బాల్యం నుంచే తెలుగు సినిమాతో వీడదీయలేని బంధం!
Gulshan Devaiah to make his Telugu debut with Samantha's MIBబాలీవుడ్ లో తనకంటూ ప్రత్యేకమైన గుర్తింపు తెచ్చుకున్న నటుడు గుల్షన్ దేవయ్య. ఇటీవలే రిలీజ్ అయిన తెలుగు సినిమా `మా ఇంటి బంగారం`లోనూ నటించిన సంగతి తెలిసిందే. సినిమాలో అతడి పాత్రకు మంచి గుర్తింపు దక్కింది. గుల్షన్ నటన ప్రేక్షకుల్ని ఎంతగానో ఆకట్టుకుంది. తాజాగా గుల్షన్ బాల్యం గుర్తు చేసుకున్నారు.
బెంగళూరులో పెరిగిన తనకు బాల్యం నుంచే దక్షిణాది చిత్రాలతో విడదీయలేని అనుబంధం ఉందన్నారు.
`దక్షిణాది సినిమాలు నా ఎదుగుదలలో ఒక భాగం. నా చిన్నతనంలో తెలుగు, తమిళ స్నేహితుల మధ్య పెరగడం వల్ల ఈ సంస్కృతి బాగా పరిచయమైంది. `శివ`, `క్షణ క్షణం` వంటి చిత్రాలు నాపై ఎంతో ప్రభావం చూపి స్తాయన్నారు. `మా ఇంటి బంగారం` చిత్రంలో మాజీ నక్సలైట్ కరుణ పాత్రలో గుల్షన్ నటన ప్రేక్షకులను ఎంతగానో అలరించింది.
ఈ పాత్ర కోసం ఆయన రాయలసీమ మాండలికాన్ని నేర్చుకోవడంతో పాటు, ఎంతో కసరత్తు చేశారు. సెట్స్లో దర్శకురాలు నందిని రెడ్డి అందించిన సహకారం, తనకు భాషా పరమైన ఇబ్బందులు లేకుండా పని చేయడానికి ఎంతో తోడ్పడిందని ప్రశంసించారు. తాను ఏ పాత్ర పోషించినా? ఆ పాత్ర వ్యక్తిత్వాన్ని మానసిక స్థితిని అర్థం చేసుకోవడానికే ప్రాధాన్యత ఇస్తానని తెలిపారు.
నటన పరంగానే కాకుండా హైదరాబాద్తో కూడా విడదీయలేని బంధం ఉందని గుల్షన్ గుర్తు చేసుకున్నారు. ఇక్కడి అల్పాహార సంస్కృతి, వెజ్ , నాన్-వెజ్ వంటకాలు తనను ఎంతగానో ఆకట్టుకున్నాయన్నారు. భవిష్యత్తులో కూడా ఆసక్తికర కథలు వస్తే దక్షిణాదిలో నటిస్తానన్నారు.
