మోస్ట్ ఎలిజబుల్ బ్యాచులర్ పై ఆ వార్తలన్నీ అవాస్తవాలే..

అక్కినేని అఖిల్ నాలుగవ చిత్రంగా వస్తున్న మోస్ట్ ఎలిజబుల్ బ్యాచులర్ పై అఖిల్ చాలా నమ్మకం పెట్టుకున్నాడు. బొమ్మరిల్లు భాస్కర్ దర్శకత్వం వహిస్తున్న ఈ సినిమా షూటింగ్ చాలా వరకు పూర్తయిందని సమాచారం. పూజా హెగ్డే ఈ సినిమాలో హీరోయిన్ గా నటిస్తుందన్న విషయం తెలిసిందే. తెలుగులో స్టార్ హీరోయిన్ గా గుర్తింపు తెచ్చుకున్న పూజా, ఈ సినిమా కోసం బాగానే తీసుకుందని వార్తలు వచ్చాయి.

అయితే ఇదిలా ఉంటే నాగార్జున ఈ సినిమాపై అసంతృప్తి వ్యక్తం చేశాడని ప్రచారం జరిగింది. ఇప్పటి వరకు పూర్తయిన ఫుటేజి తెప్పించుకుని నాగార్జున ప్రత్యేకంగా చూశాడట. అయితే రషెస్ చూశాక నాగార్జున అసంతృప్తిగా ఫీలయ్యాడని జోరుగా ప్రచారం జరిగింది. ప్రస్తుత సమాచారం ప్రకారం అవన్నీ పుకార్లేనని, నాగార్జున ఈ సినిమా పట్ల చాలా సంతృప్తిగా ఉన్నట్లు చెబుతున్నారు.

భాస్కర్ ఈ సినిమాని చాలా చక్కగా తీర్చిదిద్దుతున్నాడట. ప్రేమ కథా చిత్రాలని విభిన్నంగా తెరకెక్కించే భాస్కర్ ఈ సినిమాతో మరో సరికొత్త లవ్ స్టోరీని మనకి పరిచయం చేయబోతున్నాడు. ఆల్ మోస్ట్ షూటింగ్ మొత్తం పూర్తయిందట. పూజా హెగ్డే, అఖిల్ ల మధ్య వచ్చే కొన్ని లవ్ సీన్స్ మాత్రమే బ్యాలన్స్ ఉన్నాయట. లాక్డౌన్ పూర్తయిన వెంటనే పూజా, ఈ సినిమా కోసమే తన సమయాన్ని కేటాయించనుందట. అన్నీ కుదిరి థియేటర్లు తెరుచుకుంటే ఎంత తొందరగా వీలయితే అంత తొందరగా రిలీజ్ చేస్తారట.