తస్లీమ్, దివిజ, శ్రేష్ఠ, చరణ్, హర్ష, సోనీ, నిఖిత ప్రధాన పాత్రల్లో రషీద్ బాషా దర్శకత్వంలో ఇబ్రహీం షేక్, ఖాజాబి షేక్, నజీమ షేక్ సంయుక్తంగా నిర్మిస్తున్న చిత్రం 'లిటిల్ స్టార్స్'. ఈ చిత్రం పాటల విడుదల కార్యక్రమం ఆదివారం హైదరాబాద్ లోని ప్రసాద్ ల్యాబ్స్ లో జరిగింది. రేలంగి నరసింహారావు బిగ్ సీడీను, ఆడియో సీడీలను విడుదల చేసి మొదటి కాపీను లయన్ సాయి వెంకట్ కు అందించారు. ఈ సందర్బంగా..
రేలంగి నరసింహారావు మాట్లాడుతూ.. ''ఈ సినిమా కాన్సెప్ట్ చెప్పారు. చాలా బావుంది. బాగా ఖర్చుపెట్టే ఈ సినిమా తీశారు. పెట్టిన డబ్బులు వచ్చేసి, అనుకున్న సందేశం ప్రేక్షకులకు రీచ్ అయితే ఇలాంటి సినిమాలు మరిని వచ్చే అవకాశాలున్నాయి. చిన్న పిల్లల సినిమాలకు ప్రత్యేకంగా థియేటర్స్ కట్టిస్తామని గతంలో ప్రభుత్వం అనౌన్సు చేసింది. తొందరలోనే ఆ పనులు అమలు చేయాలని ప్రభుత్వాన్ని కోరుకుంటున్నాను'' అని చెప్పారు.
నటుడు వంశీ మాట్లాడుతూ.. ''చిన్న పిల్లలతో సినిమా తీయడమనేది చాలా కష్టమైన విషయం. ఈ సినిమా సక్సెస్ సాధించి అందరు మంచి పేరు తెచ్చుకోవాలని కోరుకుంటున్నాను'' అని చెప్పారు.
దర్శకుడు రషీద్ బాషా మాట్లాడుతూ.. ''గ్లోబలైజేషన్ కారణంగా జీవనాధారం కోల్పోయిన తన స్నేహితురాలి కుటుంబానికి ఆరుగురు చిన్నారులు సహాయం చేయాలనుకుంటున్నారు. ఆ క్రమంలో వారు ఎలాంటి పరిణామాలు ఎడుర్కొన్నారనేదే ఈ సినిమా. ప్రేక్షకులు ఆదరించాలని కోరుకుంటున్నాను'' అని చెప్పారు.
మ్యూజిక్ డైరెక్టర్ శ్రీ వెంకట్ మాట్లాడుతూ.. ''సినిమాలో పిల్లలంతా చాలా బాగా నటించారు. వాళ్లకు మంచి భవిష్యత్తు ఉంది'' అని చెప్పారు.
ఇంకా ఈ కార్యక్రమంలో రాంకీ, సాయి వెంకట్, ఇబ్రహీం తదితరులు పాల్గొన్నారు.
ఈ చిత్రానికి సినిమాటోగ్రఫీ: కిషన్ సాగర్, సంగీతం: శ్రీ వెంకట్, నిర్మాతలు: ఇబ్రహీం షేక్, ఖాజాబి షేక్, నజీమ షేక్, దర్శకుడు: రషీద్ బాషా.
Loading..