నిర్మాతతో నటి లవ్.. ఎంగేజ్ మెంట్!
Archana Ravi is engaged to producer Shawn Antonyమలయాళ, తమిళ చిత్రసీమలో తనకంటూ ప్రత్యేక గుర్తింపు తెచ్చుకున్న నటి, మోడల్ అర్చన రవి వ్యక్తిగత జీవితంలో కీలక అడుగు ముందుకు వేశారు. `అటూ` చిత్రంతో నటిగా గుర్తింపు తెచ్చుకున్న ఆమె బ్లాక్బస్టర్ సర్వైవల్ థ్రిల్లర్ `మంజుమ్మల్ బాయ్స్` చిత్ర నిర్మాత ఆంటోనీ షోన్ తో నిశ్చితార్థం చేసుకున్నారు. ఈ విషయాన్ని సోషల్ మీడియా వేదికగా అభిమానులతో పంచుకున్నారు. ఇరు కుటుంబ సభ్యులు - అత్యంత సన్నిహితుల సమక్షంలో ఈ వేడుక నిరాడంబరంగా జరిగింది.
2023 నుండి ప్రేమలో ఉన్న జంట తమ ప్రేమ ప్రయాణానికి సంబంధించిన మధురమైన జ్ఞాపకాలను ఫోటోల రూపంలో ఇన్స్టాగ్రామ్లో షేర్ చేశారు. `మేము ఇద్దరం మా జీవితంలో అత్యుత్తమ దశలను.. అలాగే అత్యంత క్లిష్టమైన కష్టకాలాలను కూడా కలిసి చూశాం` అంటూ వారు రాసుకొచ్చిన భావోద్వేగ నోట్ నెట్టింట వైరల్ అవుతోంది.
మోడలింగ్ రంగం ద్వారా కెరీర్ ప్రారంభించిన అర్చన రవి మిస్ సౌత్ ఇండియా ఫస్ట్ రన్నరప్గా - ఫెమినా మిస్ ఇండియా కేరళ ఫైనలిస్ట్గా పలు సౌందర్య పోటీల్లో రాష్ట్రానికి మంచి గుర్తింపు తెచ్చారు. ప్రస్తుతం ఆమె మిస్ సౌత్ ఇండియా పేజెంట్ డైరెక్టర్గా కూడా బాధ్యతలు నిర్వహిస్తున్నారు. ఆంటోనీ షోన్ `మంజుమ్మల్ బాయ్స్`, `జాన్ ఇ మన్` వంటి విజయవంతమైన చిత్రాల ద్వారా టాలెంటెడ్ నిర్మాతగా మాలీవుడ్లో మంచి పేరు సంపా దించుకున్నారు.
