రామాయణ ఈవెంట్ కోసం రణబీర్ సాహసం

`రామాయణం` చిత్రానికి సంబంధించిన ఓ  ముఖ్యమైన ఈవెంట్ కోసం రణబీర్ కపూర్ ఢిల్లీ పర్యటనకు సిద్ధమయ్యారు. అయితే ర‌ణ‌బీర్,  కుమార్తె రాహా ద్వారా కళ్లకలక  బారిన పడినట్లు సమాచారం. ఆరోగ్య సమస్య ఇబ్బంది పెడుతున్నప్పటికీ వృత్తిపరమైన బాధ్యతలను విస్మరించకుండా నల్ల కళ్లద్దాలతో ఈ కార్యక్రమానికి హాజరు కావాలని నిర్ణయించుకోవడం విశేషం. రణబీర్ తన పని పట్ల చూపిస్తున్న ఈ నిబద్ధత అందరినీ ఆశ్చర్యానికి గురి చేస్తోంది.

ఈ సంఘటన సెలబ్రిటీల వ్యక్తిగత జీవితానికి ..వృత్తిపరమైన కమిట్‌మెంట్లకు మధ్య ఉండే సవాళ్లను ప్రతిబిం బిస్తోంది. చిన్న పిల్లల ద్వారా వైరల్ ఇన్ఫెక్షన్లు రావడం సహజమే అయినా?  అగ్రశ్రేణి నటులు ఇలాంటి క్లిష్ట పరిస్థితుల్లో కూడా ఈవెంట్లను మిస్ అవ్వకుండా ఉండటం అభిమానుల పట్ల వారికున్న గౌరవానికి నిదర్శనం. రణబీర్ ధరించిన ఆ నల్ల కళ్లద్దాలు  సోషల్ మీడియాలో చర్చనీయాంశంగా మారాయి.

కుటుంబంతో గడిపే సమయంలో ఎదురయ్యే చిన్న చిన్న సవాళ్లను సైతం స్వీకరిస్తూ కెరీర్‌ను ముందుకు తీసుకెళ్లడం రణబీర్ కపూర్‌కు అలవాటుగా మారింది. ఒక నటుడిగా పాత్రల కోసం ఎంతటి శ్రమకోర్చాలో?  అలాగే వ్యక్తిగత జీవితంలో బాధ్యతలను కూడా అంతే చిత్తశుద్ధితో నిర్వహించడం పట్ల ఆయన చూపిస్తున్న చొరవ అభినందనీయం.  ఈవెంట్ ద్వారా రామాయణం చిత్రంపై ఉన్న అంచనాలు మరింత పెరిగే అవకాశం ఉంది.