టాలీవుడ్ సెలబ్రిటీస్ కి డ్రగ్స్ షాక్

2017 లో టాలీవుడ్ ఇండస్ట్రీని డ్రగ్స్ కేసు ఓ ఊపు ఊపింది. టాలీవుడ్ లో ప్రముఖ సెలబ్రిటీస్ ఈ డ్రగ్స్ కేసులో ఎన్సీబీ విచారణ ఎదుర్కొన్నారు. అయితే ఈ ఏడాది మొదట్లో పలువురు సెలబ్రిటీస్ కి ఈడీ ఈ డ్రగ్స్ కేసు నుండి క్లియరెన్స్ ఇవ్వడంతో మరొకసారి డ్రగ్స్ కేసు హైలెట్ అయ్యింది. గత ఏడాది బాలీవుడ్, కన్నడ ఇండస్ట్రీలో ఈ డ్రగ్స్ కలకలం మాములుగా లేదు. బాలీవుడ్ బడా సెలబ్రిటీస్ ఈ కేసులో విచారణ ఎదుర్కోగా.. కన్నడ లో సంజన, రాగిణి ద్వేవేదిలు కొన్నాళ్ళు జైలు పాలయ్యారు. 

ఇక తాజాగా ఈ కేసులో ఎన్ ఫోర్స్ మెంట్ డైరెక్టరేట్ (ఈడీ) కూడా రంగంలోకి దిగింది. దానితో టాలీవుడ్ బడా సెలబ్రిటీస్ కి నోటీసు లు జారీ చేసింది. వారంతా ఈడీ ఎదుట విచారణకు హాజరుకావాలంటూ ఆ నోటీసు లలో స్పష్టం చేసింది.ఈ కేసులో బడా సెలబ్రిటీస్ అయిన రకుల్ ప్రీత్, రవితేజ, పూరి జగన్నాధ్, రానా, తరుణ్, నవదీప్, నందు, శ్రీనివాస్, ముమైత్ ఖాన్ లకి ఈడీ నోటీసు లు జారీ చేసినట్లుగా తెలుస్తుంది.  ఈ నెల 31 నుంచి సెప్టెంబరు 22 వరకు సెలబ్రిటీస్ ని డ్రగ్స్ కేసులో విచారణ జరిపేందుకు ఈడీ సిద్ధమైంది. అయితే తాజాగా రవితేజ స్పందిస్తూ తనకు ఎలాంటి నోటీసులు అందలేదని స్పష్టం చేశారు.