క్రియేటీవ్ డైరెక్ట‌ర్ కృష్ణ‌వంశీ రూపొందించిన `ఖ‌డ్గం` సినిమాతో తెలుగు ప్రేక్ష‌కుల‌కు చేరువైంది బాలీవుడ్ సోయ‌గం కిమ్‌శ‌ర్మ. తొలి సినిమాతోనే `ముసుగు వేయొద్దు మ‌న‌సు మీద..` అంటూ కుర్ర‌కారు గుండెల్లో మంట‌పెట్టిన ఈ బాలీవుడ్ చిన్న‌ది `మ‌గ‌ధీర`లోనూ ఓ పాట‌లో మెరిసింది. ఆ త‌రువాత తెలుగు సినిమాల్లో క‌నిపించ‌లేదు. బాలీవుడ్ చిత్రాల‌కు ప‌రిమిత‌మైపోయిన కిమ్‌కు గ‌త కొంత కాలంగా అక్క‌డ కూడా అవ‌కాశాలు పెద్ద‌గా లేవు. అయితే సినిమాలు లేక‌పోతేనేం జంట‌గా తిర‌గ‌డానికి ఓ బాయ్ ఫ్రెండ్ దొరికాడు. కొంత కాలంగా కిమ్‌శ‌ర్మ టాలీవుడ్ హీరోతో డేటింగ్ చేస్తోంది. ఎక్క‌డికి వెళ్లినా ఈ ఇద్ద‌రే క‌లిసి జంట‌గా తిరిగేస్తున్నారు.
బాలీవుడ్ మీడియా కంట‌ప‌డ‌టంతో వీరి బండారం బ‌య‌ట‌ప‌డింది. కిమ్‌తో డేటింగ్ చేస్తున్న టాలీవుడ్ హీరో మ‌రెవ‌రో కాదు హ‌ర్ష‌వ‌ర్థ‌న్‌రాణే. భూమిక నిర్మించిన `త‌కిట త‌కిట`, ర‌విబాబు `అవును`, శేఖ‌ర్ క‌మ్ముల, న‌య‌న‌తార‌ల `అనామిక` చిత్రాల్లో ప్రాధాన్య‌త‌లేని పాత్ర‌ల్లో మెరిసిన హ‌ర్ష‌వ‌ర్థ‌న్ తెలుగులో అవ‌కాశాలు లేకపోవ‌డంతో ఈ మ‌ధ్య బాలీవుడ్ బాట‌ప‌ట్టాడు. అక్క‌డే కిమ్‌తో ప‌రిచ‌యం ఏర్ప‌డ‌టంతో గ‌త కొంత కాలంగా త‌న‌తో డేటింగ్ చేస్తున్నాడు. ఈ మ‌ధ్యే ఈ జంట మీడియా కంట‌ప‌డ‌టంతో హ‌ర్ష‌వ‌ర్థ‌న్ తమ రిలేష‌న్ షిప్ గురించి బ‌య‌ట‌పెట్టేశాడు.
`అవును ఇద్ద‌రం డేటింగ్‌లో వున్నాం. అది నా వ్య‌క్తిగ‌త విష‌యం దాని గురించి ఎవ‌రికీ చెప్పాల్సిన ప‌నిలేదు` అని తేల్చి చెప్పాడ‌ట. అన్న‌ట్టు వీరిద్ద‌రూ త్వ‌ర‌లో పెళ్లి చేసుకోబోతున్న‌ట్టు తెలిసింది. ఇద్ద‌రి అభిరుచులు క‌ల‌వ‌డంతో త్వ‌ర‌లోనే ఓ ఇంటివారు కావాల‌నుకుంటున్నార‌ట. వీరి పెళ్లికి ఇరు కుటుంబాల పెద్ద‌లు కూడా గ్రీన్ సిగ్న‌ల్ ఇవ్వ‌డంతో హ‌ర్ష‌వ‌ర్ధ‌న్ రాణే సంతోషానికి హ‌ద్దులే లేకుండా పోయాయాని చెబుతున్నారు.
హీరోగా చేసుకోక.. నిర్మాతగా ఎందుకు?
Loading..