సూపర్ స్టార్ బ్యాక్ టు బ్యాక్ రిలీజులు

సూపర్ స్టార్ రజినీకాంత్ స్పీడు చూస్తే కుర్ర హీరోలకు వెన్నులో ఒణుకు రావాల్సిందే. యంగ్ హీరో లు కూడా ఆ స్పీడులో షూటింగ్స్ లో పాల్గొన్నారేమో అన్నట్టుగా రజినీకాంత్ సినిమాలు చేస్తున్నారు. జైలర్ 2 షూట్ ఫినిష్ అయ్యిందో లేదో ధర్మన్ సెట్ లోకి వెళ్ళిపోయి అప్పుడే ఫస్ట్ షెడ్యూల్ ఫినిష్ చేసి సెకండ్ షెడ్యూల్ కి వెళ్లిపోయారు.

తాజాగా జైలర్ 2 రిలీజ్ అయిన మూడు నెలలకే ధర్మన్ విడుదలకు ప్లాన్ చేస్తున్నారనే వార్త సోషల్ మీడియా ని కాదు సూపర్ స్టార్ రజినీకాంత్ అభిమానులను షేక్ చేస్తుంది. జైలర్ 2 అక్టోబర్ 15 న విడుదలవుతుంటే.. ధర్మన్ చిత్రాన్ని 2027 పొంగల్ కి సిద్ధం చేస్తున్నారనే వార్త తెగ చక్కర్లు కొడుతోంది.

మరి కేవలం మూడు నెలల్లో రెండు క్రేజీ ప్రాజెక్ట్స్ ని విడుదల చెయ్యడం అంటే మాములు విషయం కాదు. కమల్ హాసన్ ప్రొడక్షన్ లో రజిని-కమల్ కలయికలో ఈ మల్టీస్టారర్ ధర్మన్ తెరకెక్కుతుంది. ఈ చిత్రం జైలర్ 2 వచ్చిన మూడు నెలలకే విడుదల సాద్యమవుతుందో, లేదో అనేది ఇప్పుడు ఇంట్రెస్టింగ్ గా మారింది.