బాలయ్య తో కాదు రవితేజ తో నెక్స్ట్
Ravi Teja and Vivek Athreya Film on Cards?
నందమూరి బాలకృష్ణ ప్రస్తుతం గోపీచంద్ మలినేని తో #NBK111 ప్రాజెక్ట్ చేస్తున్నారు. ఈ చిత్ర టైటిల్ గ్లింప్స్ ని జూన్ 10 బాలయ్య బర్త్ డే కి రిలీజ్ చేసేందుకు దర్శకుడు రెడీ అవుతున్నాడు. అయితే #NBK111 తర్వాత వివేక్ ఆత్రేయ, వంశి కనకమేడల ల డైరెక్షన్ లో చేసేందుకు బాలయ్య గ్రీన్ సిగ్నల్ ఇచ్చారనే ప్రచారం జరిగింది.
కానీ అనూహ్యంగా వివేక్ ఆత్రేయ, వంశీ కనకమేడల కాదు బాలయ్య లైనప్ లోకి కొరటాల శివ చేరారు. కొరటాల-బాలయ్య కాంబో అనౌన్సమెంట్ కూడా వచ్చింది. ఈ చిత్రం దసరాకి మొదలు కాబోతుంది. బాలయ్య తో చేసే అవకాశం లేకపోవడంతో వివేక్ ఆత్రేయ మాస్ రాజా రవితేజ దగ్గరకు వెళ్లారట.
ప్రస్తుతం శివ నిర్వాణ తో ఇరుముడి చిత్రం చేస్తున్న రవితేజ ఆ చిత్రం ముగింపు దశకు చేరుకోవడంతో మరో రెండు చిత్రాలను లైన్ లో పెడుతున్నట్లుగా వార్తలొస్తున్నాయి. అందులో వివేక్ ఆత్రేయ తో రవితేజ తదుపరి ప్రాజెక్ట్ ఉండబోతుంది అని తెలుస్తుంది. వివేక్ ఆత్రేయ చెప్పిన కథ నచ్చి రవితేజ ఓకే చేసినట్లుగా తెలుస్తుంది.
