పీకే సినిమాపై తేల్చేసిన దేవ‌క‌ట్టా

పవర్ స్టార్ పవన్ కళ్యాణ్ 33వ చిత్రానికి దేవ‌క‌ట్టా ద‌ర్శ‌క‌త్వం వ‌హిస్తున్న వార్త‌లొస్తున్న సంగ‌తి తెలిసిందే.  దేవ‌క‌ట్టా నాలెడ్జ్,  సెన్సిబిలిటీస్ న‌చ్చి ప‌వ‌న్ ఇస్తోన్న అవ‌కాశంగా తెలుస్తోంది. `ప్రస్థానం` వంటి క్లాసిక్ పొలిటికల్ డ్రామాను అందించిన దేవకట్టా పవన్ కళ్యాణ్‌లోని అసలైన రాజకీయ నాయకుడిని వెండితెరపై ఆవిష్కరించబోతున్నారని ప్ర‌చారం జ‌రుగుతోంది.

ఇదొక‌ సినిమాగానే కాకుండా? పవన్ కళ్యాణ్ నిజ జీవిత వ్యక్తిత్వానికి, ఆయన సిద్ధాంతాలకు అద్దం పట్టేలా ఈ కథను సిద్ధం చేసినట్లు సమాచారం. ఈ చిత్రంలో పవన్ కళ్యాణ్ ఓ పవర్‌ఫుల్ అండ్ రియలిస్టిక్ పొలిటీషియన్‌గా కనిపించబోతున్నారని, ఆయనలోని నిజాయితీని , ప్రజా సేవ పట్ల ఉన్న నిబద్ధతను దేవకట్టా తనదైన శైలిలో చూపించనున్నారని ప్ర‌చారం జ‌రుగుతోంది.

సాధారణంగా పవన్ సినిమాల్లో ఉండే మాస్ ఎలిమెం ట్స్‌తో పాటు, ఈ ప్రాజెక్టులో లోతైన రాజకీయ విశ్లేషణలు , సమాజం పట్ల ఆయనకున్న విజన్ స్పష్టంగా కనిపించే అవకాశం ఉంది. పవన్ కళ్యాణ్ నిజ జీవిత రాజకీయ ప్రస్థానానికి ఈ సినిమా ఒక ప్రతిరూపంగా నిలుస్తుందని అభిమానులు ఆశిస్తున్నారు.

ప్రస్తుతం పవన్ కళ్యాణ్ ఆంధ్రప్రదేశ్ ఉపముఖ్యమంత్రిగా కీలక బాధ్యతలు నిర్వర్తిస్తున్న తరుణంలో ఈ సినిమా  తెర‌పైకి రావ‌డం రాజకీయంగా కూడా ప్రాధాన్యత సంతరించుకుంది. పవన్‌లో దాగి ఉన్న ఒక గొప్ప నాయకుడిని, ఆయన ఆశయాలను దేవకట్టా తన పదునైన డైలాగులతో , గ్రిప్పింగ్ స్క్రీన్‌ప్లేతో బయటకు తీస్తాడని ట్రేడ్ వర్గాలు అంచనా వేస్తున్నాయి.