థియేటర్స్ లో మంచు బ్రదర్స్ వార్

ప్రస్తుతం బయట మంచు అన్నదమ్ములైన మంచు విష్ణు-మంచు మనోజ్ ల నడుమ పచ్చగడ్డి వేస్తె భగ్గుమంటుంది. మంచు వారి ఆస్తితగాదాలు తారాస్థాయిలో ఉన్నాయి. మీడియా కెక్కినా, పోలీస్ కేసులైనా మంచు అన్నదమ్ముల నడుమ సఖ్యత రాకపోగా.. రోజు రోజు కి ఆ గొడవలు ముదిరి పాకాన పడుతున్నాయి.

ఇప్పుడు బయట గొడవపడుతున్న మంచు బ్రదర్స్ మంచు విష్ణు - మంచు మనోజ్ లు థియేటర్స్ లో ఫైట్ కి దిగబోతున్నారనే వార్త సోషల్ మీడియాలో చక్కర్లు కొడుతోంది. మంచు విష్ణు కన్నప్పపై రీసెంట్ గా మంచు మనోజ్ సెన్సేషనల్ కామెంట్స్ చేసిన విషయం తెలిసిందే. ఏప్రిల్ 25 న విష్ణు కన్నప్ప థియేటర్స్ లో విడుదలవుతుంది.

అదే 25 న మంచు మనోజ్ నటిస్తున్న మినీ మల్టీస్టారర్ భైరవం చిత్రం విడుదల చేసేందుకు రెడీ అవుతున్నాడట. బెల్లంకొండ శ్రీనివాస్ తో మంచు మనోజ్ చేస్తున్న భైరవం చిత్రం విడుదలకు రెడీ అని ఏర్పాట్లు జరుగుతున్నాయి. ఇప్పుడు ఈ చిత్రాన్ని మనోజ్ కన్నప్పపై దించాలనే ప్లాన్ లో ఉన్నట్లుగా చెప్పుకుంటున్నారు.

ఒకవేళ కన్నప్ప vs భైరవం అయితే అది సినిమాల నడుమ పోటీ కాదు, అన్నదమ్ముల మద్యన వార్ అనే చెప్పుకుంటారు.