ఎన్టీఆర్ తప్ప వేరే ఆప్షన్ లేదు

బాలీవుడ్ నుండి ఆదిత్య చోప్రా నిర్మాణంలో ఆయన్ ముఖర్జీ దర్శకత్వంలో హ్రితిక్ రోషన్ హీరోగా తెరకెక్కనున్న వార్ 2 మూవీ కోసం ముందుగా ప్రభాస్ ని అనుకున్నారు. కానీ ప్రభాస్ వార్ 2 లో నటించను అని చెప్పడంతోనే.. మరికొంతమంది హీరోలని సంప్రదించాకే ఆదిత్య చోప్రా-ఆయన్ ముఖర్జీలు ఎన్టీఆర్ ని కలిసి ఆ పాత్ర కోసం ఒప్పించారంటూ.. అసలు వార్ 2 లో మొదటి ఛాయస్ ఎన్టీఆర్ కాదంటూ రకరకాల న్యూస్ లు సోషల్ మీడియాలో చక్కర్లు కొడుతున్నాయి.

ఎన్టీఆర్-హ్రితిక్ రోషన్ కాంబోని ప్రకటించగానే ఏర్పడిన అంచనాలు, క్రేజ్ అన్ని ఈన్యూస్ చూసాక ఫాన్స్ ని డిస్పాయింట్ చేసాయి. దానితో వార్ 2 మేకర్స్ అదిర్య చోప్రా ఈ రూమర్స్ పై స్పందించినట్లుగా తెలుస్తుంది. అసలు హృతిక్ తో పాటు వార్ 2 కోసం మరొక హీరో పాత్రని కేవలం ఎన్టీఆర్ మాత్రమే చేయగలరని, అలానే నిర్మాత ఆదిత్య చోప్రా కూడా ఎన్టీఆర్ డేట్స్ కోసం ఐదు నెలలుగా ఎదురుచూశారని తెలుస్తోంది. ఫైనల్ గా ఎన్టీఆర్ డేట్స్ లభించడంతో ఈ ప్రాజెక్ట్ ని అఫీషియల్ గా ప్రకటించారని సమాచారం.

హ్రితిక్ రోషన్-ఎన్టీఆర్ కాంబోలో వార్ 2 ఈ ఏడాది నవంబర్ నుండి మొదలు కానున్నట్లుగా తెలుస్తోంది. భారీ బడ్జెట్ తో భారీగా ఈ ప్రాజెక్టు మొదలు కాబోతుంది అని.. ఎన్టీఆర్ కేరెక్టర్ వార్2 లో నెగెటివ్ ఛాయలు ఉండొచ్చు అని కూడా అనుకుంటున్నారు.