‘లైగర్’ పోతేనేం.. విజయ్ క్రేజ్ తగ్గేదే లే!
Gossips on Vijay Deverakonda Remuneration for Gowtam Tinnanuri Filmతాజాగా విజయ్ దేవరకొండకు సంబంధించి ఓ వార్త సోషల్ మాధ్యమాలలో తెగ వైరల్ అవుతోంది. రీసెంట్గా విజయ్ దేవరకొండ, ‘జెర్సీ’ ఫేమ్ గౌతమ్ తిన్ననూరితో ఒక చిత్రాన్ని ఓకే చేసిన విషయం తెలిసిందే. ఈ సినిమాకు సంబంధించి ప్రీ లుక్ పోస్టర్ కూడా వదిలారు. వాస్తవానికి ఈ సినిమా రామ్ చరణ్ చేయాల్సింది. కానీ.. ఇది పోలీస్ ఆఫీసర్ పాత్ర కావడంతో చరణ్ తప్పుకున్నట్లుగా తెలుస్తుంది. ఎందుకంటే.. ధృవ, ఆర్ఆర్ఆర్ చిత్రాలలో చరణ్ పోలీస్ పాత్రలే చేశాడు. ఇప్పుడు మళ్లీ పోలీస్గా అంటే.. ఆ రెండు పాత్రలని మించి ఉంటేనే ప్రేక్షకులు యాక్సెప్ట్ చేస్తారు. అందుకే చరణ్ చివరి నిమిషంలో ఈ ప్రాజెక్ట్ నుంచి తప్పుకోవడం, ఆ ప్లేస్లోకి రౌడీ విజయ్ వచ్చి చేరడం జరిగిందని ఇండస్ట్రీలో టాక్ వినిపిస్తుంది.
సరే ఆ విషయం పక్కన పెడితే.. ఇప్పుడు విజయ్కి సంబంధించి వినిపిస్తున్న వార్త ఏమిటంటే.. ఈ సినిమాకు విజయ్ దేవరకొండ రూ. 45 కోట్ల రెమ్యూనరేషన్ తీసుకుంటున్నాడట. నిజంగా వింటుంటే షాక్గా అనిపిస్తుంది కదా. ‘బాహుబలి’ చిత్రానికి ప్రభాస్కు కూడా అంతే ఇచ్చినట్లుగా అప్పట్లో వార్తలు వచ్చాయి. అలాంటిది వరుస ఫ్లాపుల్లో ఉన్న విజయ్కి ఈ రేంజ్లో రెమ్యూనరేషన్ అంటే నిజంగా ఆశ్చర్యపోవాల్సిందే. అయితే పాన్ ఇండియా వైడ్గా విజయ్కి ఇప్పుడు ఫాలోయింగ్, క్రేజ్ ఉన్నాయి. వాటిని దృష్టిలో పెట్టుకుని ఇస్తున్నారో.. లేదంటే ఇంకా ఏదైనా కారణం ఉందో తెలియదు కానీ.. ప్రస్తుతానికైతే.. ఈ సినిమా విషయంలో అతని రెమ్యూనరేషన్పై హాట్ హాట్గా చర్చలైతే నడుస్తున్నాయి.
అయితే ఈ రెమ్యూనరేషన్ విషయంలో మేకర్స్ సైడ్ నుంచి మాత్రం ఎటువంటి క్లారిటీ లేదు. ఆఫ్కోర్స్ అంత ఇస్తున్నామని వారూ చెప్పరనుకోండి. కానీ, ఖండించే అవకాశం అయితే ఉంది. అయితే అలాంటిది ఇప్పటి వరకు జరగలేదు. ఈ న్యూస్ మాత్రం వైరల్ అవుతూనే ఉంది. ఇక ఈ సినిమా కాకుండా విజయ్ ‘ఖుషి’ అనే చిత్రం కూడా చేస్తున్నారు. ప్రస్తుతం ఆ చిత్రం సమంత కారణంగా హోల్డ్లో ఉంది. శివ నిర్వాణ ఆ చిత్రానికి దర్శకుడు.
This is the Rowdy Vijay Deverakonda Craze
