చైతూ యమా ఫాస్ట్గా ఉన్నాడు
Naga Chaitanya Custody Movie in the final Scheduleనాగచైతన్య, తమిళ దర్శకుడు వెంకట్ ప్రభు దర్శకత్వంలో ఓ చిత్రం తెరకెక్కుతోన్న విషయం తెలిసిందే. తెలుగు, తమిళ ద్విభాషా చిత్రంగా తెరకెక్కుతోన్న ఈ చిత్రానికి.. రీసెంట్గా ‘కస్టడీ’ అనే టైటిల్ను ఖరారు చేశారు. ఈ సినిమా యమా ఫాస్ట్గా చిత్రీకరణ జరుపుకుంటోంది. తాజాగా ఈ చిత్రం చివరి షెడ్యూల్ షూటింగ్కి చేరుకున్నట్లుగా చిత్రబృందం అధికారికంగా ప్రకటించింది. శుక్రవారం నుంచి ఈ చిత్ర చివరి షెడ్యూల్ షూటింగ్ ప్రారంభించారు.
ఈ షెడ్యూల్తో ప్రొడక్షన్ ఫార్మాలిటీస్ అన్నీ పూర్తవుతాయని, ఈ షెడ్యూల్లో ప్రధాన నటీనటులందరూ షూట్లో పాల్గొంటారని మేకర్స్ ప్రకటించారు. ఇప్పటి వరకు ఈ సినిమాకు సంబంధించి విడుదలైన స్టిల్స్, నూతన సంవత్సరాన్ని పురస్కరించుకుని విడుదల చేసిన గ్లింప్స్.. మంచి స్పందనను రాబట్టుకోవడమే కాకుండా.. సినిమాపై భారీగా అంచనాలను పెంచేశాయి. ముఖ్యంగా ఈ సినిమాలోని టెక్నికల్ బ్రిలియన్స్ అందరినీ ఆకట్టుకోవడం విశేషం.
నాగచైతన్య సరసన మరోసారి కృతిశెట్టి నటిస్తున్న ఈ చిత్రంలో అరవింద్ స్వామి విలన్ పాత్రలో నటిస్తున్నారు. ప్రియమణి ఓ పవర్ పాత్రలో నటిస్తోన్న ఈ చిత్రంతో ‘కార్తీకదీపం’ సీరియల్ ఫేమ్ ప్రేమి విశ్వనాథ్(వంటలక్క) తెలుగు వెండితెరకు పరిచయమవుతోంది. శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి ఈ చిత్రాన్ని నిర్మిస్తుండగా.. 12 మే, 2023న సినిమాని విడుదల చేసేందుకు మేకర్స్ సన్నాహాలు చేస్తున్నారు.
Naga Chaitanya and Venkat Prabhu Movie Latest Update
