కరోనా ఎఫెక్ట్ ఆర్ ఆర్ ఆర్ నుండి ఆమె ఔట్..?

రాజమౌళి దర్శకత్వంలో జూనియర్ ఎన్టీఆర్, రామ్ చరణ్ లు హీరోలుగా అత్యంత ప్రతిష్టాత్మకంగా తెరకెక్కుతున్న చిత్రం ఆర్ ఆర్ ఆర్. ఇప్పటి వరకు అధికారికంగా టైటిల్ రివీల్ కానీ ఈ సినిమాలో జూనియర్ ఎన్టీఆర్ కొమరం భీం గా కనిపిస్తుంటే, రామ్ చరణ్ అల్లూరి సీతారామరాజుగా కనిపిస్తున్నాడు. మొన్నటి వరకు అత్యంత వేగంగా షూటింగ్ జరుపుకున్న ఈ సినిమా ప్రస్తుతం కరోనా వైరస్ కారణంగా షూటింగ్ ని నిలిపివేసింది.

అయితే కరోనా కారణంగా ఈ సినిమాకి మరో నష్టం జరగనుందని తెలుస్తుంది. రామ్ చరణ్ కి జోడీగా బాలీవుడ్ భామ ఆలియా భట్ ని తీసుకున్న సంగతి తెలిసిందే. కరోనా కారణంగా షూటింగ్ వాయిదా పడడంతో ఆర్ ఆర్ ఆర్ నుండి ఆలియా తప్పుకుందనే వార్తలు వస్తున్నాయి. బాలీవుడ్ లో ఆలియా ఎంత బిజీ స్టారో అందరికీ తెలిసిందే. అందువల్ల ఆర్ ఆర్ ఆర్ షూటింగ్ కి డేట్లు సరిపడకపోవడం వల్ల ఆమె తప్పుకుంటుందని అంటున్నారు.

ఈ విషయమై చిత్ర బృందం అధికారికంగా ప్రకటించకపోయినప్పటికీ విశ్వసనీయ సమాచారం ప్రకారం నిజమనే చెబుతున్నారు. మరికొద్ది రోజులు ఆగితే గానీ నిజం బయటకి రాదు. అయితే మరో విషయం కరోనా కారణంగా ఆర్ ఆర్ ఆర్ విడుదల కూడా వాయిదా పడే అవకాశాలు మెండుగా కనిపిస్తున్నాయి.