ఈ పాలబుగ్గల చినదానికి ఛాన్సులొస్తాయా?

పాలబుగ్గల హన్సిక పనైపోయినట్లే. ‘దేశముదురు’లో అల్లు అర్జున్‌తో నటించిన హన్సిక తర్వాత ఎన్టీఆర్‌తోనూ నటించింది. కానీ అమ్మడు లక్కు వేరేలా ఉంది. టాలీవుడ్‌లో కలిసిరాకపోయినా... తమిళనాట మాత్రం హన్సిక ఓ ఊపు ఊపింది. అయితే బొద్దుగా ఉంటే తమిళ తంబీలకు నచ్చుతుందనే.... బొద్దెక్కిన పాల బుగ్గల హన్సిక తర్వాత కెరీర్ లో బాగా డల్ అయ్యింది. తమిళ తంబీల చేత గుడి కట్టించుకున్న ఈ చిన్నది... తర్వాత్తర్వాత అవకాశాల కోసం ఎదురుచూడాల్సిన పరిస్థితి వచ్చింది. చిన్న చిన్న హీరోలకు అందుబాటులోకొచ్చేసిన హన్సికకి ఇప్పుడు అస్సలు కలిసి రావడం లేదు.

తెలుగులో సందీప్ కిషన్‌తో అదృష్టాన్ని పరీక్షించుకున్న హన్సికకి తెనాలి రామకృష్ణ కోలుకోలేని దెబ్బకొట్టింది. సినిమా పోవడం, ఆ సినిమాలో హన్సిక కేవలం గ్లామర్ షో‌కి తప్ప మరి దేనికి అవసరపడకపోవడంతో... అది చూసిన వారికి హన్సిక అస్సలు ఎక్కలేదు. కాస్త లావు తగ్గి గ్లామర్ షో చేసినా... హన్సికకి ఉపయోగం లేదనిపిస్తుంది. సోషల్ మీడియాలో హాటెస్ట్ ఫొటోస్ పోస్ట్  చేసినా హన్సికకి కలిసొచ్చేలా లేదు. మరి ఇక చిన్న హీరోల సరసన కూడా హన్సికని చూడడానికి ప్రేక్షకులు ఒప్పుకునేలా కనిపించడం లేదు.