చైతూ-సమంతలకి అంత లేదంటోంది..!

నాగచైతన్య - సమంత లు త్వరలోనే పెళ్లిపీటలెక్కబోతున్నారు. అక్టోబర్ 6 , 7 తేదీల్లో వీరు గోవాలో పెళ్ళికి రెడీ అవుతున్నారు. ఒక పక్క షూటింగ్స్ మరో పక్క పెళ్లి పనులతో ఫుల్ బిజిగా వుంది ఈ జంట. చేతినిండా సినిమాలతో బిజీగా వున్న ఈ జంట పెళ్లి తర్వాత కూడా గ్యాప్ తీసుకోకుండా సినిమా షూటింగ్స్ కి హాజరవుతామని చెప్పిన సంగతి తెలిసిందే. ఇక అక్కినేని ఫ్యామిలీ కూడా వీరి పెళ్లి ఏర్పాట్లలో బిజీగా వుంది. అయితే ఈ పెళ్లికి ఇండస్ట్రీలో ఎవరెవర్ని పిలుస్తున్నారనే దాని మీద జనాల్లో విపరీతమైన ఆసక్తి ఉంది. 

అయితే అమల అక్కినేని ఆ విషయమై క్లారిటీ ఇచ్చేసింది. నాగచైతన్య - సమంత లు పెళ్లి పనుల్లో బిజీగా వున్నారని.... షాపింగ్స్ గట్రా పనులతో తీరికలేకుండా గడుపుతున్నారని చెప్పిన అమల... చైతు - సామ్ ల పెళ్లి చాలా సింపుల్ గా జరగబోతుందని... కేవలం కొద్దిమంది సన్నిహితులు, కుటుంబ సభ్యుల సమక్షంలోనే ఈ పెళ్లి జరగబోతుందని చెబుతుంది. ఇంకా అమల....  నాగ చైతన్య - సమంతలు జంట చూడముచ్చటైందని చెప్పుకొచ్చింది. మరి పెళ్లి సింపుల్ గా చేస్తే చేశారు గాని కనీసం రిసెప్షన్ అయినా అభిమానుల మధ్యన ఇండస్ట్రీలోని ప్రముఖుల మధ్యన చేస్తారా లేదా అనేది మాత్రం చెప్పకుండా సమాధానం దాటవేసింది.