Advertisement

అనిరుధ్ ని ఈసారి నమ్మొచ్చు..!

Anirudh Music to Pawan and Trivikram Film

Fri 14th Jul 2017 05:21 PM
anirudh ravichandran,ajith,pawan kalyan,trivikram srinivas,shiva,anirudh  అనిరుధ్ ని ఈసారి నమ్మొచ్చు..!
Anirudh Music to Pawan and Trivikram Film అనిరుధ్ ని ఈసారి నమ్మొచ్చు..!
Advertisement

ప్రస్తుతం సౌతిండియన్‌ మ్యూజిక్‌ సెన్సేషన్‌ అంటే అందరు అనిరుధ్ రవిచంద్రన్‌ పేరునే చెబుతారు. ఆయన ధనుష్‌ నటించి, పాడిన 'వై దిస్‌ కొలవరి.. కొలవరిడి' పాట దేశాన్నే ఓ ఊపు ఊపింది. కానీ ఈ కుర్రాడికి అసలు సంగీతం మీదకంటే మిగిలిన జల్సాలపై మోజెక్కువ అంటారు. సుచి లీక్స్‌లో ఈయన కూడా ఒకడు అనే సంగతి తెలిసిందే. ఇక ఆ మధ్య శింబు పాడిన వివాదాస్పదమైన, మహిళలను కించిపరిచేలా ఉన్న ఆల్బమ్‌కి సంగీతం అందించి మరోసారి వార్తల్లో నిలిచాడు. 

తాజాగా ఆయన అజిత్‌-శివల కాంబినేషన్‌లో వస్తున్న హ్యాట్రిక్‌ మూవీ 'వివేగం'లోని 'సూరియా... సూరియా..' సాంగ్‌ అదరగొడుతోంది. కాగా గతంలోనే శ్రీనువైట్ల దర్శకత్వంలో వచ్చిన 'బ్రూస్‌లీ'లో అవకాశం వచ్చింది, కానీ జారవిడుచుకున్నాడు. ఇక త్రివిక్రమ్‌ శ్రీనివాస్‌-నితిన్‌-సమంతల కాంబినేషన్‌లో వచ్చిన 'అ..ఆ' కు ఒప్పుకుని మరీ షూటింగ్‌ సగం పూర్తయ్యాక తనకు తమిళ సినిమాలలో బిజీగా మారానని, కాబట్టి ఆ చిత్రం చేయలేనని తప్పుకున్నాడు. ఇక అజిత్‌-శివల హ్యాట్రిక్‌ సంచలన మూవీ 'వివేగం' మాదిరిగానే త్రివిక్రమ్‌ శ్రీనివాస్‌-పవన్‌కళ్యాణ్‌ల కాంబినేషన్‌లో రూపొందుతున్న భారీ అంచనాలున్న హ్యాట్రిక్‌ చిత్రానికి ఎంపికయ్యాడు. 

కానీ ఏ రోజున ఏం చెబుతాడో? ఏ రోజున ఏవో కారణాలు చెప్పి మూవీ నుంచి తప్పుకుంటాడో అని అందరూ ఆందోళన పడుతూ ఉన్నారు. తాజా సమాచారం ప్రకారం ఈచిత్రంలోని ఒక రొమాంటిక్‌ సాంగ్‌ మినహా మిగిలిన పాటలన్నీ పూర్తి చేసి, దర్శకుని చేతిలో పెట్టాడట. త్వరలోనే ఆ పాటను కూడా పూర్తి చేసి, ఆర్‌.ఆర్‌పై దృష్టిపెట్టనున్నాడు. మొత్తానికి ఇది పవన్‌ అభిమానులకు ఆనందాన్నిచ్చే సంగతే....! 

Anirudh Music to Pawan and Trivikram Film:

Anirudh music Updates on Pawan and Trivikram Movie 


Loading..
Loading..
Loading..
advertisement