బడా బాబుల లిస్ట్ లో నాగ్..లేడు..!
అక్కినేని నాగార్జున ఒకపక్క హీరోగా సినిమాలతో బిజీగా ఉంటూనే మరోవైపు అనేకరకాల వ్యాపారాలు చేస్తూ ఉంటాడు. ఇక వ్యాపార లావాదేవీల్లోనే నాగార్జున బ్యాంకుల నుండి అప్పు తీసుకుని వాటిని కట్టకుండా బకాయిలు పడ్డాడనే వార్తలు ఈ మధ్యన మీడియాలో తెగ హైలెట్ అవుతున్నాయి. ఈ వార్తలకు స్పందించిన నాగార్జున నేను ఏ బ్యాంకుకి బకాయి పడలేదని నేను తీసుకున్న లోన్ ని కట్టలేదని వస్తున్న వార్తల్లో నిజం లేదని అంటున్నాడు. అసలు నేను అన్నపూర్ణ స్థూడియోస్ అభివృద్ధి చెయ్యడానికి గతంలో బ్యాంకు నుండి అప్పుతీసుకున్న మాట వాస్తవమే గాని వాటిని ఈ ఏడాది మొదట్లోనే కట్టేశానని స్వయం గా సోషల్ మీడియాలో వివరణ ఇచ్చాడు. మరి ఇప్పటికే బడా బాబులు బ్యాంకు రుణాలు ఎగ్గొట్టి తమ స్వార్ధానికి బ్యాంకులని బలిచేస్తున్నారనే వార్తలు నిత్యం మీడియాలో దర్శనమిస్తూనే వున్నాయి. ఇక ఈ బడాబాబుల లిస్ట్ లో నాగార్జున పేరును కూడా చేర్చేసింది మీడియా. ఇక ఈ వార్తలకు నాగార్జున వివరణ ఇచ్చి సకాలంలో ఈ గాసిప్స్ కి చెక్ పెట్టాడని అందరూ ఇప్పుడు నాగ్ ని పొగిడేస్తున్నారు.
