స్టార్‌ హీరోల చిత్రాలలో నటించే అవకాశాల విషయంలో రాశిఖన్నాను అయ్యోపాపం... అనుకుంటుంటే తనతో ఓసారి నటించిన హీరోలను మెప్పించి ఆమె వన్స్‌మోర్‌ ప్లీజ్‌ అనే స్తానాన్ని దక్కించుకుంది. 'శివమ్‌' చిత్రంలో రామ్‌తో నటించిన రాశిఖన్నా ఈ చిత్రం ప్లాపయినప్పటికీ 'హైపర్‌'లో ఈ జోడీ మరలా కలిసి నటిస్తోంది. ఇక ఆమె గోపీచంద్‌తో నటించిన 'జిల్‌' తర్వాత మళ్లీ తాజా చిత్రం 'ఆక్సిజన్‌'లో మరో అవకాశం పొందింది. 'బెంగాల్‌టైగర్‌'లో నటించిన రాశిఖన్నా త్వరలో ప్రారంభంకానున్న రవితేజ- బాబిల 'క్రాక్‌' చిత్రంలో కూడా కలిసి నటించే అవకాశాన్ని ఆమె దక్కించుకుంది. ఈ చిత్రం అక్టోబర్‌ 12న షూటింగ్‌ను ప్రారంభించుకుంది. మొత్తానికి రాశిఖన్నా మాత్రం ఏ మాయ చేస్తోందో తెలియదు కానీ హీరోలను మాత్రం బాగా లైన్‌లో పెడుతుండటం విశేషం.
Loading..