కుర్ర దర్శకునికి మరో అవకాశం! కుర్ర దర్శకునికి మరో అవకాశం!

ఆర్య, నయనతార నటించిన 'రాజు రాణి' చిత్రం ఘనవిజయం సాధించడంతో తమిళంలో దర్శకుడు అట్లీ పేరు మారుమోగిపోయింది. 'పులి' వంటి డిజాస్టర్‌ తర్వాత స్టార్‌హీరో విజయ్‌ అట్లీని పిలిచి మరీ అవకాశం ఇచ్చాడు. అదే 'తేరీ' చిత్రం. ఈ చిత్రం తమిళంలో వందకోట్లకు పైగా కలెక్ట్‌ చేసింది. తెలుగులో 'పోలీస్‌'గా వచ్చిన ఈ చిత్రం ఇక్కడ మాత్రం పెద్దగా ప్రేక్షకలను ఆకట్టుకోలేకపోయింది. తాజాగా మరోసారి అట్లీని పిలిచి అవకాశం ఇచ్చాడు విజయ్‌. ప్రస్తుతం విజయ్‌ తమిళంలో భరత్‌ దర్శకత్వంలో తన 60వ చిత్రంలో నటిస్తున్నాడు. ఈ చిత్రం షూటింగ్‌ పూర్తయిన వెంటనే తాను చేయబోయే 61వ చిత్రానికి దర్శరత్వం వహించే అవకాశాన్ని విజయ్‌.. అట్లీకి ఇచ్చాడు. కాగా 'తేరీ' చిత్రం ట్రైలర్‌ చూసి ఇంప్రెస్‌ అయిన టాలీవుడ్‌ సూపర్‌స్టార్‌ మహేష్‌బాబు కూడా అట్లీ దర్శకత్వంలో ఓ సినిమా చేయనున్నాడనే వార్తలు వస్తున్న సంగతి తెలిసిందే.