ఈ కళ్యాణం ఇద్దరికీ కీలకమే!
'అలామొదలైంది' వంటి సూపర్హిట్టుతో కెరీర్ను ప్రారంభించిన మహిళా దర్శకురాలు నందినిరెడ్డికి తర్వాత చిత్రం 'జబర్దస్త్' తీవ్రంగా నిరాశకు గురిచేసింది. ఇక హీరో నాగశౌర్య పరిస్థితి కూడా అదే. తన చిత్రం 'ఊహలు గుసగుసలాడే' హిట్టు అయినప్పటికీ ఆ తర్వాత కనీసం యావరేజ్ చిత్రం కూడా దక్కలేదు. ఇప్పుడు వీరిద్దరి కాంబినేషన్లో రూపొందుతున్న చిత్రం 'కళ్యాణవైభోగమే'. ఇందులో 'ఎవడేసుబ్రమణ్యం' ఫేమ్ మాళవికనాయర్ హీరోయిన్గా నటిస్తోంది. కాగా ఈ చిత్రానికి సెన్సార్బోర్డ్ సింగిల్ కట్ కూడ లేకుండా 'క్లీన్యు' సర్టిఫికేట్ను ఇచ్చింది. దీంతో ఈ చిత్ర యూనిట్ ఎంతో ఆనందంతో ఉంది. కాగా ఈచిత్రాన్ని ఈనెల 21 లేదా 22 తేదీలలో విడుదలకు ప్లాన్ చేస్తున్నారు. ఈ చిత్రం దర్శకురాలు నందినిరెడ్డికి, హీరో నాగశౌర్యకి ఎంతో కీలకంగా మారింది. మరి ఈ చిత్రం వారికి ఎలాంటి ఫలితాన్ని అందిస్తుందో వేచిచూడాల్సివుంది...!
