సమంత సాహసానికి రెడీ అయింది! సమంత సాహసానికి రెడీ అయింది!

'ఏమాయ చేసావే' చిత్రంతో తెలుగు ప్రేక్షకుల హృదయాల్లో చోటు సంపాదించుకొని ఎన్నో హిట్ చిత్రాలను తన ఖాతాలో వేసుకున్న నటి సమంత. ఇప్పటివరకు సమంత ఏ సినిమాలో అయినా చాలా రిచ్ గా, గ్లామరస్ గానే కనిపించింది. అయితే తాజాగా వస్తున్న సమాచారం బట్టి ఆమె ఓ డీ గ్లామరస్ రోల్ లో నటించబోతోందని తెలుస్తుంది. తమిళ దర్శకుడు వెట్టిమారన్ ప్రస్తుతం 'వాడా చెన్నై' అనే చిత్రాన్ని తెరకెక్కిస్తున్నాడు. ఈ చిత్రంలో ధనుష్, సమంత జంటగా నటిస్తున్నారు. ఈ సినిమాలో సమంత మురికివాడకు చెందిన అమ్మాయి పాత్రలో కనిపించనుంది. ఈ పాత్రలో నటించడానికి ఓకే చెప్పి పెద్ద సాహసానికి రెడీ అయిందనే చెప్పాలి. సమంతను అలాంటి పాత్రలో చూసి తన అభిమానులు ఎలా జీర్ణించుకుంటారో మరి..!