‘గబ్బర్‌సింగ్‌2’కు టైటిల్‌ మారనుందా...?

పవన్‌కళ్యాణ్‌ అభిమానులు ఎప్పుడెప్పుడా అని ఎదురు చూస్తున్న ‘గబ్బర్‌సింగ్‌2’ రెగ్యులర్‌ షూటింగ్‌ ఇటీవల అంటే మే 29 నుండి మహారాష్ట్రలోని మల్షెజా ఘాట్స్‌లో జరిగిన సంగతి తెలిసిందే. ఈ షెడ్యూల్‌ జూన్‌ 5తో ముగిసింది. త్వరలో ఈ చిత్రానికి సంబంధించిన లాంగ్‌ షెడ్యూల్‌ను ప్లాన్‌ చేస్తున్నారు. ఈ షెడ్యూల్‌లో పవన్‌ కూడా షూటింగ్‌లో జాయిన్‌ అవుతున్నాడు. కాగా ఈ చిత్రంలో అనీషా ఆంబ్రోస్‌ హీరోయిన్‌గా నటిస్తుండగా, రెండో హీరోయిన్‌ కోసం ఎంపిక కసరత్తులు చేస్తున్నారు. కాగా తాజా సమాచారం ప్రకారం ఈ చిత్రానికి ‘గబ్బర్‌సింగ్‌2’ కంటే ‘సర్ధార్‌’ అనే టైటిలే బాగా యాప్ట్‌ అవుతుందని యూనిట్‌ భావిస్తున్నట్లు సమాచారం. ఈ చిత్రంలోని ఫ్లాష్‌బ్యాక్‌లో పవన్‌ గెడ్డంతో కనిపిస్తాడని, నిన్నటివరకు ఆయన పెంచిన గడ్డం షూటింగ్‌ కోసమే అని తెలుస్తోంది. మొత్తానికి పవన్‌కు ‘సర్ధార్‌’ అనే టైటిల్‌ మాత్రం ఆయన ఇమేజ్‌కు కరెక్ట్‌గా సూట్‌ అవుతుందని చెప్పవచ్చు.