సుదీర్ బాబు కోసం ముగ్గురు హీరోలు..! సుదీర్ బాబు కోసం ముగ్గురు హీరోలు..!

కన్నడంలో చంద్రు దర్శకత్వంలో తెరకెక్కి ఘనవిజయం సాధించిన 'చార్మినార్' చిత్రాన్ని తెలుగులో రామలక్ష్మిసినీ క్రియేషన్స్ పతాకంపై లగడపాటి శ్రీధర్, లగడపాటి శిరీష రీమేక్ చేస్తున్న సంగతి తెలిసిందే. కాగా ఈ చిత్రంలో సుధీర్ బాబు, నందితలు జంటగా నటిస్తున్నారు. 'కృష్ణమ్మ కలిపింది ఇద్దరినీ' పేరుతో తెరకెక్కుతున్న ఈ చిత్రాన్ని ఒరిజినల్ వెర్షన్ దర్శకుడు చంద్రునే దర్శకత్వం వహిస్తున్నాడు. కాగా ఈ చిత్రంలో సూపర్ స్టార్ మహేష్ బాబు, నాగ చైతన్య, రానాలు అతిధిపాత్రల్లో కనిపించనున్నారు. దీంతో ఈ చిత్రానికి మంచి క్రేజ్ వస్తోంది. ప్రేమికుల దినోత్సవం సందర్బంగా విడుదల కానున్న ఈ చిత్రం పై సుధీర్ బాబు ఎన్నో ఆశలు పెట్టుకొని ఉన్నాడు. ఈ చిత్రాన్ని తెలుగులో వచ్చిన 'మరోచరిత్ర', హిందీలో వచ్చిన 'మైనే ప్యార్ కియా' చిత్రాలతో నిర్మాత లగడపాటి శ్రీధర్ పోలుస్తున్నాడు. ఈ చిత్రాన్ని మొదట నాగ చైతన్యతో చేయాలనుకున్నారు. కానీ వర్కౌట్ కాలేదు. చివరకు ఇది సుధీర్ బాబు దగ్గరికి చేరింది. తాను హీరోగా నటించాల్సిన చిత్రంలో తానే ఓ గెస్ట్ రోల్ లో కనిపించనుండటం నాగ చైతన్యకు కొత్త అనుభవమనే చెప్పాలి.