బాలీవుడ్‌లో మ‌రో ఆస‌క్తిక‌ర‌మైన క‌ల‌యిక‌లో సినిమా తెర‌కెక్క‌బోతున్న‌ట్టు తెలుస్తోంది. హృతిక్ రోషన్, దీపికా ప‌దుకొణే జంట‌గా య‌శ్‌రాజ్ సంస్థ ఓ చిత్రాన్ని నిర్మించేందుకు ప్లాన్ చేసిన‌ట్టు స‌మాచారం. `ధూమ్ 3` ద‌ర్శ‌కుడు విజ‌య్‌కృష్ణ ఆచార్య ద‌ర్శ‌క‌త్వం వ‌హిస్తార‌ట. ఈ చిత్రంలో దీపికా కొన్ని యాక్ష‌న్ స‌న్నివేశాలు కూడా చేయ‌బోతోంద‌ని స‌మాచారం. ఆమె ఇదివ‌ర‌కు `చాందినీ చౌక్ టు చైనా` అనే చిత్రంలో యాక్ష‌న్ ఇర‌గ‌దీసింది. ఇప్పుడు మ‌రోసారి హృతిక్‌కి ధీటుగా డిష్యుమ్ డిష్యుమ్ అంటూ ఫైట్లు చేయ‌బోతోంద‌ట. ఈ కాంబినేష‌న్ ప్ర‌స్తుతం బాలీవుడ్‌లో చ‌ర్చ‌నీయాంశంగా మారింది. ఇటీవ‌లి కాలంలో ఇంత క్రేజీ కాంబినేష‌న్‌లో తెర‌కెక్కుతున్న సినిమా ఇదే అని మాట్లాడుకొంటున్నారు. హృతిక్ ప్ర‌స్తుతం `మొహంజ‌దారో` అనే చిత్రంలో న‌టిస్తున్నాడు. దీపికా ఇటీవ‌ల `పీకూ`తో అద‌ర‌గొట్టింది. దీపికా హృతిక్ కాంబినేష‌న్‌లో రానున్న చిత్రంపై బిజినెస్ వ‌ర్గాలు ప్ర‌త్యేక‌మైన దృష్టిని కేంద్రీక‌రించిన‌ట్టు తెలుస్తోంది.
Loading..