'బాహుబలి' ఆడియో రిలీజ్‌ కు డేట్ ఫిక్స్‌! 'బాహుబలి' ఆడియో రిలీజ్‌ కు డేట్ ఫిక్స్‌!

రాజమౌళి దర్శకత్వంలో ప్రభాస్‌, రానా, అనుష్క.. వంటి భారీ తారాగణంతో తెలుగులోనే తొలిసారిగా భారీ బడ్జెట్‌తో నిర్మితమవుతున్న చిత్రం ‘బాహుబలి’. ఈ చిత్రం పోస్టర్స్‌ను వరుసగా విడుదల చేస్తున్న జక్కన్న ఈ చిత్రంపై అంచనాలను విపరీతంగా పెంచేస్తున్నాడు. కాగా ఈ చిత్రం తొలి ట్రైలర్‌ మే 31న విడుదల చేయనున్న సంగతి తెలిసిందే. కాగా అదే రోజు ఈ చిత్రం ఆడియో వేడుకను కూడా భారీ స్థాయిలో జరిపేందుకు రాజమౌళి ప్లాన్‌ చేస్తున్నాడు. కీరవాణి అందించిన పాటల ట్యూన్స్‌ అత్యద్భుతంగా ఉన్నాయని, అలాగే ఆర్‌.ఆర్‌. కూడా అదిరిపోయే లెవల్లో కీరవాణి అద్భుతాలు సృష్టించడానికి రెడీ అవుతున్నాడని యూనిట్‌వర్గాలు ఎంతో నమ్మకంతో చెబుతున్నాయి.