నేషనల్ అవార్డ్ రాకపోవడంపై నిర్మాత క్లారిటీ!
Producer clarifies why the National Award wasn't won!72వ జాతీయ చలనచిత్ర పురస్కారాల ప్రకటన బాలీవుడ్లో చర్చనీయాంశంగా మారిన సంగతి తెలిసిందే. `శ్రీకాంత్` చిత్రంలో అద్భుతమైన నటన కనబరిచిన రాజ్కుమార్ రావుకు ఉత్తమ నటుడు అవార్డు దక్కుతుందని అంతా ఆశీంచారు. కానీ ఆ పురస్కారం `చందూ ఛాంపియన్` చిత్రానికి గానూ కార్తీక్ ఆర్యన్ను వరించింది. అయితే ఈ పరిణామంపై బాలీవుడ్ సహా సోషల్ మీడియాలో రకరకరాల చర్చలు జరుగుతున్నాయి.
శ్రీకాంత్ అవార్డును కోల్పోయాడంటూ కామెంట్లు పడుతున్నాయి. తాజాగా ఈ వాదనలను `శ్రీకాంత్` చిత్ర సహ-నిర్మాత నిధి పర్మార్ హిరానందాని తోసిపుచ్చారు. రాజ్కుమార్ రావు ప్రతిభను జ్యూరీ ఎట్టి పరిస్థితుల్లోనూ విస్మరించదని జ్యూరీతీసుకున్న నిర్ణయాన్ని గౌరవిస్తామని వివరణ ఇచ్చారు. కార్తీక్ ఆర్యన్ గెలుపు పూర్తిగా అర్హతతో కూడుకున్నదేనని ప్రశంసించారు.
`చందూ ఛాంపియన్` సినిమా కోసం కార్తీక్ పడిన కష్టం, ఆయన చూపించిన అంకితభావం ప్రశంసనీయమని, నేషనల్ అవార్డు జ్యూరీ సరైన నిర్ణయమే తీసుకుందని పేర్కొన్నారు. తమ చిత్రంలో రాజ్కుమార్ రావు నటన అద్భుతంగా ఉందని `శ్రీకాంత్` సినిమాకు ఉత్తమ హిందీ చలనచిత్రంగా జాతీయ అవార్డు దక్కడం పట్ల తాము ఎంతో సంతోషంగా ఉన్నామని వెల్లడించారు. ప్రతిభావంతులైన నటులందరినీ గౌరవించాల్సిన అవసరం ఉందని మేకర్స్ అభిప్రాయపడ్డారు. నిర్మాత వివరణతో హిందీ చిత్ర పరిశ్రమలో మరోసారి ఆరోగ్యకరమైన చర్చకు దారి తీసింది.
