డిస్ట్రిబ్యూటర్స్ ఫోన్ ఎత్తని టాప్ ప్రొడ్యూసర్

రీసెంట్ గా విడుదలైన ఓ పెద్ద సినిమా ప్రొడ్యూసర్ డిస్ట్రీబ్యూటర్స్ ఫోన్ ఎత్తడం లేదనే మాట సోషల్ మీడియాలో తెగ హల్ చల్ చేస్తుంది. మూడేళ్ళుగా సెట్ పై ఉన్న సినిమాని ఎలాగో పూర్తి చేసి విడుదల చేసారు. అది కూడా విపరీతమైన అంచనాలతో విడుదలైన ఆ సినిమాకి క్రిటిక్స్, ప్రేక్షకులు ఆహా ఓహో అన్నారు. 

ఇంకేంటి ఈ టాక్ తో సినిమా కలెక్షన్స్ రికార్డుల వేటే.. నిర్మాతకు భారీ లాభాలు ఖాయమనుకున్నారు. తీరాచూస్తే ఆ సినిమాకు బ్రేక్ ఈవెన్ అయ్యే పరిస్థితి లేకుండా మరో పాన్ ఇండియా మూవీ అడ్డుకట్ట వేసింది. లాభాలు రాకపోయినా ఒడ్డున పడతాడనుకున్నా ఆ నిర్మాత ఇప్పుడు వచ్చే నష్టాలు లెక్కలేసుకుని కొన్నాళ్ళు సినిమా నిర్మాణానికి దూరంగా ఉండాలని అనుకుంటున్నారని వార్తలు వినిపిస్తున్నాయి. 

ఆ సినిమా దర్శకుడు ఎక్కువ ఖర్చు పెట్టించడం, హీరో గారి డేట్స్ ఇవ్వకపోవడంతో నిర్మాత నిండామునిగాడని, అందుకే నిర్మాతగా కొన్నాళ్ళు సినిమాలకు బ్రేక్ ఇస్తున్నాడని నఅంటుంటే.. ఆ పెద్ద సినిమాని కొన్న డిస్ట్రిబ్యూటర్స్ సదరు నిర్మాతకు ఎన్ని ఫోన్స్ చేసినా ఫోన్ ఎత్తడం లేదని అంటున్నారు.