హిట్ నచ్చింది అంటున్న ఓటీటీ ఆడియన్స్

హీరో నాని నిర్మాతగా శైలేష్ కొలను దర్శకత్వంలో విశ్వక్ సేన్ హీరోగా తెరకెక్కిన హిట్ చిత్రం మంచి హిట్ అవడంతో.. దానికి సీక్వెల్ గా అడివి శేష్ ని హీరోగా పెట్టి హిట్ 2 సినిమా చేసారు నాని-శైలేష్ కొలను. అయితే హిట్ చిత్రంలో కథ, విశ్వక్ సేన్ బ్యాక్ స్టోరీ పై ఉన్న క్యూరియాసిటీ, అందులోని కేస్ స్టడీ, విశ్వక్ సేన్ యాక్టింగ్ అన్ని ప్రేక్షకులకు నచ్చాయి. 

ఇక హిట్ 2 లో అడివి శేష్ పెరఫార్మెన్స్ నచ్చినా.. అందులోని కేసు, అలాగే ట్విస్ట్ లు అన్ని నచ్చినా హిట్ గ్రిప్పింగ్ స్టోరీ హిట్ 2 లో లేదు అన్నారు. ఇప్పుడు నాని హీరో గా హిట్ 3 వచ్చింది, A సర్టిఫికేట్ తో మే 1 న థియేటర్స్ లో విడుదలైన హిట్ 3 బ్లాక్ బస్టర్, 100 కోట్లు కొల్లగొట్టింది అంటూ మేకర్స్ పోస్టర్స్ వేశారు. 

ఆ చిత్రం ఇప్పుడు ఓటీటీ లో విడుదలైంది. ఓటీటీలో చూసిన చాలామంది హిట్ 3 ని నాని కన్నా అడివి శేష్ చేసుంటే బావుంటుంది, హిట్ 3 లో కథ లేదు, జస్ట్ ఆర్గాన్స్ మిస్సింగ్ అంటూ డార్క్ సైట్ లోకి వెళ్లి బిజినెస్ చెయ్యడమే, ఇదంతా ఓల్డ్ ఫార్మేట్ అంటూ కామెంట్లు పెడుతున్నారు. హిట్ 2, హిట్ 3 కన్నా మాకు విశ్వక్ సేన్ హిట్ చిత్రమే నచ్చింది. హిట్ 3 లో విశ్వక్ సేన్ గెస్ట్ రోల్ చేసుంటే బావుండేది, హిట్ 2, హిట్ 3 జస్ట్ రొటీన్ స్టోరీస్ అంటూ ఓటీటీ ఆడియన్స్ కామెంట్స్ చేస్తున్నారు.