మహానాడు లో నారా చంద్రబాబు స్పీచ్

మే 27 నుంచి మూడురోజుల పాటు కడప జిల్లాలో మహానాడు కార్యక్రమాన్ని అంగరంగ వైభవంగా నిర్వహిస్తున్నారు. కడప జిల్లా వ్యాప్తంగా పసుపు జెండాలు, తోరణాలు, పసుపు చొక్కాలతో కళకళలాడిపోతుంది. టీడీపీ నేతలు, కార్యకర్తలు ఉత్సహంగా మహానాడును పసుపు పండగగా మార్చేశారు. ఈరోజు మే 27 న మొదలైన మహానాడు ప్రాంగణంలో ముఖ్యమంత్రి నారా చంద్రబాబు నాయుడు రిజిస్టేషన్ చేయించుకుని నేతలతో కలిసి జ్యోతి ప్రజ్వలన చేసి ఎన్టీఆర్ విగ్రహానికి నివాళులు అర్పించారు. ఈ సందర్భంగా మహానాడుని ప్రారంభిస్తూ చంద్రబాబు మాట్లాడిన మాటలు.. 

* మహానాడు అంటే నాటి నుంచి నేటి వరకు ప్రతిపక్షంలో ఉన్నా అధికారంలో ఉన్నా అదే జోరు.. అదే హోరు.

* దేవుని గడపలో జరిగే మహానాడు చరిత్ర సృష్టించబోతోంది..ఈ మహానాడు దశ, దిశ నిర్దేశిస్తుందని గట్టిగా చెబుతున్నా.

* కడప జిల్లాలో 10 స్థానాలకు 7 గెలిచి సత్తా చాటాం..వచ్చే ఎన్నికల్లో ఇంకొంచెం కష్టపడితే 10/10 స్వీప్‌ చేస్తాం.

* 2024 ఎన్నికల్లో 57 శాతం ఓట్లు సాధించాం..టీడీపీకి ఘన విజయం అందించిన తెలుగుదేశం కార్యకర్తలకు కృతజ్ఞతలు.

* కార్యకర్తల పోరాటాలతో టీడీపీ అధికారంలోకి వచ్చింది.. పీక కోస్తుంటే కూడా జై టీడీపీ అని చంద్రయ్య ప్రాణాలు వదిలేశారు, చంద్రయ్య వంటి వారి స్ఫూర్తి టీడీపీని నడిపిస్తోంది..పసుపు సింహం తోట చంద్రయ్య.

* కార్యకర్తల త్యాగాలకు శిరస్సు వంచి సమస్కరిస్తున్నా..త్యాగాలు చేసిన కార్యకర్తల కుటుంబాలను ఆదుకుంటాం.

* దేశంలో ఏ పార్టీ ఎదుర్కోని సంక్షోభాలు ఎదుర్కొన్నాం..టీడీపీ పని అయిపోయిందని మాట్లాడిన వాళ్ల పని అయిపోయింది..టీడీపీ జెండా ఎప్పటికీ రెపరెపలాడుతునే ఉంటుంది.

* తెలుగు జాతి అభివృద్ధి కోసమే టీడీపీ పనిచేస్తుంది..తెలుగు వారి అభివృద్ధికి టీడీపీ బ్రాండ్ అంబాసిడర్‌.

* పటేల్ పట్వారీ వ్యవస్థ రద్దు, బీసీలకు రాజ్యాధికారం..రూ.2కి కిలో బియ్యం, సబ్సిడీ కరెంట్‌ తెలుగుదేశం తెచ్చినవే.

* టీడీపీ కార్యకర్తలే నా ఆయుధాలు..కార్యకర్తలతో కలిసి ఆకాశమేహద్దుగా అభివృద్ధి చేస్తాం.

* రాజకీయాల్లో బీసీలకు ప్రాధాన్యత ఇచ్చింది టీడీపీనే.

* గతాన్ని స్మరిస్తూ... భవిష్యత్తుకు దిశానిర్దేశం చేస్తూ...తెలుగు ప్రజల ఆశయాలను చాటే ఉద్యమానికి వేదిక మహానాడు 2025.

* ఈ మహానాడు-2025 చరిత్రలో నిలిచిపోతుంది.. అంటూ కార్యకర్తలను చంద్రబాబు ఉత్సాహారుస్తూ ఇచ్చిన స్పీచ్  వైరల్ అవుతోంది.