NBK108 టైటిల్ లీక్ చేసిందెవరో తెలుసా?

బాలకృష్ణ-అనిల్ రావిపూడి కలయికలో తెరకెక్కుతున్న NBK108 టైటిల్ ఇదే అంటూ నిన్నటి నుండి సామాజిక మాద్యమాలలో ఓ టైటిల్ చక్కర్లు కొడుతోంది. బాలకృష్ణ బర్త్ డే సందర్భంగా NBK108 టైటిల్‌ని విడుదల చేసేందుకు మేకర్స్ రంగం సిద్ధం చేసుకోగా...ఇప్పుడా టైటిల్ రివీల్ అయ్యి వైరల్‌గా మారింది. భగవత్ కేసరి ఐ డోంట్ కేర్ అంటూ బాలయ్య సినిమాకి అనిల్ రావిపూడి పవర్ ఫుల్ టైటిల్ పెట్టాడంటూ ఆ లీకు వార్తల సారాంశం.

అయితే ఈ టైటిల్ ఇంతిలా లీకై సోషల్ మీడియాలో వైరల్ అవడానికి కారణం నందమూరి బాలకృష్ణేనట. ఇప్పటివరకు ఈ టైటిల్ ఎవరు లీక్ చేశారో అర్థం కాక NBK108 మేకర్స్ తర్జనభర్జన పడుతుంటే.. బాలకృష్ణ గారే తనని కలవడానికి వచ్చిన ఓ ప్రొడ్యూసర్ తో NBK108 లోని తన పాత్ర గురించి దాని పేరు చెబుతూ అందులోనే టైటిల్ ఉంటుంది అని చెప్పడంతో సదరు ప్రొడ్యూసర్ ఆ టైటిల్ ని బయట లీక్ చేసి ఉండొచ్చనే ఊహాగానాలు వినిపిస్తున్నాయి.

అలా బాలయ్య కొత్త సినిమా టైటిల్ వైరల్‌గా మరింది. ఈ టైటిల్ విషయంలో నందమూరి అభిమానులు కాస్త అసంతృప్తిగా ఉన్నప్పటికీ.. కొద్దిరోజులైతే ఈ టైటిల్ ఖచ్చితంగా ప్రేక్షకులకి నచ్చుతుంది అనే అభిప్రాయాలను వినిపిస్తున్నాయి. ఇకపోతే కాజల్ ఫస్ట్ టైమ్ బాలయ్య సరసన ఈ చిత్రంలో నటిస్తుండగా.. శ్రీలీల ఓ కీలక పాత్రలో కనిపించనుంది. అలాగే బాలీవుడ్ నటుడు అర్జున్ రామ్ పాల్ విలన్‌గా కనిపించబోతున్నారు.