హృతిక్ - ఎన్టీఆర్ వాట్ ఏ కాంబో.!

బాలీవుడ్ హీరో టాలీవుడ్ హీరో తో కలిసి బిగ్ బడ్జెట్ మూవీ చెయ్యడం ఇదే మొదటిసారేమో.. ఇప్పటివరకు నాగ చైతన్య అమీర్ సినిమాలో గెస్ట్ రోల్ చేసాడు. మెగాస్టార్ కోసం సల్మాన్ గెస్ట్ రోల్ చేసారు. ఇప్పుడు చరణ్ సల్మాన్ మూవీలో ఓ సాంగ్ లో మెరుస్తున్నాడు. కానీ ఓ టాలీవుడ్ స్టార్ హీరో-బాలీవుడ్ స్టార్ హీరో కలిసి సినిమా చెయ్యడం.. అది కూడా క్రేజీ బాలీవుడ్ దర్శకుడి దర్శకత్వంలో. ఎవ్వరూ ఊహించనిది, అసలు ఊహకి కూడా అందనిది. అదే జరిగింది.

యంగ్ టైగర్ ఎన్టీఆర్-బాలీవుడ్ స్టార్ హీరో హ్రితిక్ రోషన్ కాంబోలో ఓ మూవీ. అబ్బ వాట్ ఏ కాంబో అంటూ ఎన్టీఆర్ ఫాన్స్ అస్సలు ఆగడం లేదు. బ్రహ్మాస్త్ర దర్శకుడు అయాన్ ముఖర్జీ-హ్రితిక్ రోషన్ కలయికలో వార్ 2 అనౌన్స్ మెంట్ నిన్న మంగళవారమే వచ్చింది. అది వచ్చిన 24 గంటల్లో హ్రితిక్ రోషన్-ఎన్టీఆర్ కాంబోలో వార్ 2 అయాన్ ముఖర్జీ దర్శకత్వంలో సినిమా అనౌన్సమెంట్ రావడం అబ్బో ఈ క్రేజీ కాంబినేషన్ ఊహించుకుంటేనే గూస్ బంప్స్ వచ్చేస్తున్నాయి.

యంగ్ టైగర్ ఎన్టీఆర్-హ్రితిక్ కాంబోలో భారీ యాక్షన్ థ్రిల్లర్ ని భారీ బడ్జెట్ తో తెరకెక్కించబోతున్నట్లుగా అఫీషియల్ అనౌన్సమెంట్ రావడంతో సోషల్ మీడియాలో మొత్తం అదే న్యూస్ తో షేకైపోతుంది.