Advertisement

కైకాల లేని లోటు తీర్చలేనిది: పవన్

Tue 03rd Jan 2023 01:38 PM
kaikala satyanarayana,pawan kalyan,janasena,pawan kalyan about kaikala,kaikala no more  కైకాల లేని లోటు తీర్చలేనిది: పవన్
Pawan Kalyan pays tribute to Kaikala Satyanarayana కైకాల లేని లోటు తీర్చలేనిది: పవన్
Advertisement

సీనియర్ నటులు కైకాల సత్యనారాయణ తుదిశ్వాస విడిచారనే విషయం తెలిసి ఆవేదనకు లోనయ్యానని అన్నారు జనసేన నేత పవన్ కళ్యాణ్. ఆయన తరపున, జనసేన పార్టీ తరపున కైకాల మృతికి ఆయన నివాళులు అర్పించారు. ఈ సందర్భంగా విడుదల చేసిన లేఖలో..

‘‘శ్రీ కైకాల సత్యనారాయణ గారు ఆత్మకు శాంతి చేకూరాలి

తెలుగు సినీ పరిశ్రమలో తనకంటూ ప్రత్యేక స్థానాన్ని సొంతం చేసుకున్న ప్రముఖ నటులు శ్రీ కైకాల సత్యనారాయణ గారు తుదిశ్వాస విడిచారనే విషయం తెలిసి ఆవేదనకు లోనయ్యాను. వారి ఆత్మకు శాంతి చేకూరాలని భగవంతుణ్ణి ప్రార్థిస్తున్నాను. మా కుటుంబానికి శ్రీ సత్యనారాయణ గారు సన్నిహితులు. చెన్నైలో ఉన్నప్పటి నుంచి అన్నయ్య చిరంజీవిగారితోను, మాతోనూ ఆప్యాయంగా ఉండేవారు. ఇటీవల ఆయనతో మాట్లాడాను. వారి ఆరోగ్యం ఎలా ఉందో తెలుసుకున్నాను.

శ్రీ సత్యనారాయణ గారిని అభిమానులు నవరస నటనా సార్వభౌమ అనడంలో అతిశయోక్తి లేదు. ప్రతినాయక పాత్రలను ఎంత అవలీలగా పోషించారో అదే స్థాయిలో కరుణరస ప్రధానమైన పాత్రల్లోనూ ఒదిగిపోయారు. పౌరాణిక పాత్రలకు ప్రాణం పోశారు. తెలుగువారికి యమధర్మరాజు అంటే శ్రీ సత్యనారాయణ గారే. ఆ పాత్రలో మరొకరిని ఊహించలేని విధంగా చేశారు. ఏ తరహా పాత్రనైనా ప్రేక్షకుల మెప్పు పొందేలా నటించారు. నిర్మాతగాను మంచి చిత్రాలు అందించారు. లోక్ సభ సభ్యుడిగా ప్రజా జీవితంలో ఉన్నారు. తెలుగుదనం మూర్తీభవించిన శ్రీ సత్యనారాయణ గారు లేని లోటు తెలుగు చిత్రసీమలో తీర్చలేనిది. శ్రీ కైకాల సత్యనారాయణ గారి కుటుంబానికి నా ప్రగాఢ సానుభూతి తెలియచేస్తున్నాను. 

(పవన్ కళ్యాణ్)’’ అని పేర్కొన్నారు. 

Pawan Kalyan pays tribute to Kaikala Satyanarayana:

Pawan Kalyan about Kaikala Satyanarayana 

Advertisement

Loading..
Loading..
Loading..
Advertisement