టాలీవుడ్ లో ప్రొడ్యూసర్ గా కంటే కూడా వివాదాలతోనే ఎక్కువ పేరు తెచ్చుకున్న బెల్లకొండ సురేష్ తన తనయుడు బెల్లంకొండ సాయి శ్రీనివాస్ ని మాత్రం చాలా గట్టిగానే వెండితెరకు హీరోగా లాంచ్ చేసాడు. ఆ సినిమాకే కాదు.. ఆ తరవాత ప్రతి సినిమాకి తనవంతు జాగ్రత్తలు తీసుకుంటూనే వస్తున్నాడు. ముఖ్యంగా సాయి శ్రీనివాస్ పక్కన నటించే హీరోయిన్స్ అందరిని కూడా స్టార్ రేంజ్ ఉన్న హీరోయిన్స్ ని సెలెక్ట్ చెయ్యడంలో అందే వేసిన చెయ్యి సురేష్ ది. ఎంత ఖర్చయినా వెనకాడకుండా హీరోయిన్స్ ని తీసుకొస్తున్నాడు. ఇప్పటికే మనం గమనిస్తే సమంత, కాజల్ అగర్వాల్, రకుల్ ప్రీత్ సింగ్, పూజ హెగ్డే లాంటి స్టార్ హీరోయిన్స్ ని పట్టుకొచ్చి తన తనయుడు పక్కన పెట్టేసిన ఘనత బెల్లంకొండ సురేష్ ది.
ఇక బాలీవుడ్ లో ఛత్రపతి రీమేక్ చేసేందుకు బెల్లకొండ శ్రీనివాస్ ఇప్పటికే ముంబై కి మకాం మార్చాడు. అక్కడ ఛత్రపతి రీమేక్ తీద్దామని రెడీ అవుతున్నారు. అయితే ఇక్కడ స్టార్ రేంజ్ హీరోయిన్స్ విషయంలో చేసిన ట్రిక్స్ బాలీవుడ్ లో మాత్రం వర్కౌట్ అవ్వడం లేదు బెల్లంకొండ బాబుకి. బెల్లంకొండ చెక్కులకి ఎవరూ అట్రాక్ట్ అవ్వడం లేదు. ఏ హీరోయిన్ బెల్లకొండ ఆఫర్ ని యాక్సెప్ట్ చెయ్యడం లేదు. ఇప్పటికే కైరా అద్వానీ, అలియా భట్, సారా అలీఖాన్, కృతి సనన్, అనన్య పాండే ఇలాంటి చాలామంది హీరోయిన్స్ ని బెల్లంకొండ శ్రీనివాస్ కోసం అప్రోచ్ అయినా.. ఎవ్వరూ ఒప్పుకోవడం లేదు.
బాలీవుడ్ లో బెల్లకొండ శ్రీనివాస్ కి సరైన హీరోయిన్ దొరకడం గగనమైపోయింది. అయితే ఈలోపు ఇక్కడ టాలీవుడ్ లో యూవీ క్రియేషన్స్ లో ఓ తెలుగు సినిమా చేసే ఆలోచనలో ఉన్నాడు శ్రీనివాస్. చూద్దాం బెల్లంకొండ బాబు అక్కడ బాలీవుడ్ లో హీరోయిన్ ని సెట్ చేసుకుంటాడా? లేదంటే ఇక్కడి సినిమాతో సర్దుకుపోతాడా?
మన మణిరత్నం తీసిన లవ్ స్టొరీ
Loading..