‘సిలక.. సిలక..’ కుర్రాడితో డ్యాన్స్ చేస్తా: చార్మీ

ఎనర్జిటిక్ స్టార్ రామ్ పోతినేని.. నిధి అగర్వాల్, నభా నటేష్ నటీనటులుగా డాషింగ్ డైరెక్టర్ పూరీ జగన్నాథ్ తెరకెక్కించిన ‘ఇస్మార్ట్ శంకర్’. ఈ చిత్రాన్ని పూరి జగన్నాథ్, ఛార్మి ఈ చిత్రాన్ని నిర్మించిన విషయం విదితమే. ఈ సినిమా ఏ రేంజ్‌లో హిట్ అయ్యిందో.. కలెక్షన్ల వర్షం ఎలా కురిపించిందో ప్రత్యేకించి చెప్పనక్కర్లేదు. అంతేకాదు.. సినిమాను రెండోసారి రిలీజ్ చేసేంత పరిస్థితి వచ్చిందంటే ‘ఇస్మార్ట్ శంకర్’ జనాలకు ఏ రేంజ్‌లో ఎక్కిందో అర్థం చేసుకోవచ్చు. ఇక సాంగ్స్ విషయానికొస్తే.. ఏ పెళ్లిలో చూసినా ఇవే.. ఏ ఫంక్షన్లలో చూసినా ఇవే.

ఇక అసలు విషయానికొస్తే.. ఇటీవల ఓ యువకుడు ‘సిలక.. సిలక..’ అనే సాంగ్‌కు డ్యాన్స్ ఇరగదీశాడు. ఆ వీడియోను నెట్టింట్లో పోస్ట్ చేశాడు. అంతేకాదు ఆ వీడియోను చార్మీ, పూరీ, నిధి అగర్వాల్‌తో పాటు పలువురికి ట్యాగ్ చేశాడు. నిజంగా ఆ వీడియోలో డ్యాన్స్ మాత్రం కుర్రాడు ఇరదీశాడు.. ఒక్క మాటలో చెప్పాలంటే ఏ మాత్రం ట్రైనింగ్ లేకుండానే ఆ రేంజ్‌లో డ్యాన్స్ చేశాడంటే కాస్త శిక్షణ ఉండుంటే బాక్స్‌లు బద్ధలయ్యేవేమో. ఈ వీడియో చూసిన చార్మీ ఫిదా అయిపోయింది. 

వాస్తవానికి కెరీర్ ప్రారంభం నుంచి ఛార్మికి డాన్సర్‌గా మంచి గుర్తింపే ఉందన్న విషయం తెలిసిందే. అయితే ఆ కుర్రాడి డ్యాన్స్ వీడియోను తిలకించిన చార్మీ.. అనంతరం ఆ హాట్ బ్యూటీనే ట్విటర్‌ వేదికగా అభిమానులతో పంచుకుంది. ఈ సందర్భంగా ఆ కుర్రాడిపై చార్మీ ప్రశంసల వర్షం కురిపిస్తోంది. ‘వావ్.. అమేజింగ్ మ్యాన్.. సో.. చార్మింగ్.. నేను కానీ అక్కడే ఉండుంటే కచ్చితంగా డ్యాన్స్ చేసుండే దాన్ని’ అని ట్విట్టర్‌లో రాసుకొచ్చింది. ఈ ట్వీట్‌కు పలువురు చార్మి అభిమానులు కామెంట్ల వర్షం కురిపిస్తున్నారు.