దగ్గుబాటి రానా హీరోగా.. డ్రగ్ మాఫియా నేపథ్యంలో ఓ సినిమా చేయడానికి నందినీ రెడ్డి సిద్ధమైన సంగతి తెలిసిందే. ప్రస్తుతం క్రైమ్ నేపథ్యంలో ఉన్న సినిమాలే చాలా వరకు సూపర్ డూపర్ హిట్టవుతుండటంతో అందరూ అదే బాటలోనే తాను నడవాలని భావించిన నందిని.. ఒక కొరియన్ సినిమా రీమేక్‌కు ఫిక్సయ్యారు. ఇప్పటికే ఈ సినిమాకు సంబంధించిన అన్ని హక్కులను రానా సొంతం చేసుకొన్నారు.
అయితే రానా సరసన నటించేదెవరు..? టాలీవుడ్‌లో నటించిన భామలే సరిపోతారా..? లేకుంటే బాలీవుడ్ పట్టుకురావాలా..? అనే యోచనలో పడ్డారట నందిని. ఈ క్రమంలో ‘మహానటి’ మూవీతో స్టార్ హీరోయిన్‌గా మారిన కీర్తి సురేష్‌ను సంప్రదించారట. ఆమె నో చెప్పేసిందట. దీంతో రానాకు మహానటి షాకిచ్చినట్లైంది. ఇందుకు కారణం ఆమెకు కథ నచ్చకపోవడమా? లేదా డేట్స్ సర్దుబాటు అయ్యుండకపోవడమా? అన్నది మాత్రం ఇంతవరకూ తెలియరాలేదు.
ఈ క్రమంలో నందిని రెడ్డి మరో హీరోయిన్ కోసం అన్వేషిస్తుండగా సడన్‌గా కాజల్ అయితే ఎలా ఉంటుందని ఆలోచన తట్టిందట. అయితే.. గతంలో కాజల్ చేసిన ‘నేనే రాజు నేనే మంత్రి’ మంచి ఫలితాన్నిచ్చిన సంగతి తెలిసిందే. ఈ సినిమాలో రానాతో కాజల్ కెమిస్ట్రీ అదిరిందనే టాక్ కూడా అప్పట్లో గట్టిగానే వచ్చింది. అందుకే కాజల్‌నే మళ్లీ ఈ సినిమాలో అనుకుంటున్నారట. మరి ఇది ఎంతవరకు వర్కవుట్ అవుతుందో..? వేచి చూడాలి మరి. అయితే ఇందులో నిజానిజాలెంతున్నాయో తెలియాలంటే దర్శకనిర్మాతలు రియాక్ట్ అయ్యేవరకు వేచి చూడాల్సిందే మరి.
‘త్రీ మంకీస్’ అంత పెద్ద హిట్టవ్వాలి: నిర్మాత
Loading..