‘ఫైటర్’ స్టోరీపై ఈ వార్తలేంటి?

రామ్ తో ఇస్మార్ట్ శంకర్ లాంటి సూపర్ హిట్ తరువాత డైరెక్టర్ పూరి వెంటనే తన నెక్స్ట్ ప్రాజెక్ట్ సెన్సేషనల్ హీరో విజయ్ దేవరకొండతో చేస్తున్నట్టు  ప్రకటించారు. ప్రస్తుతం ఈ సినిమాకు సంబంధించి పోస్ట్ ప్రొడక్షన్ వర్క్ శరవేగంగా జరుగుతుంది. నవంబర్ నుండి షూటింగ్ స్టార్ట్ అవ్వనున్న ఈ సినిమా కథ ఇదే అని గత కొన్ని రోజులు నుండి వార్తలు వస్తున్నాయి. ఈ మూవీ ఓ డాన్ అతని కొడుకుకి మధ్య నడుస్తోందని.. డాన్ పాత్రలో ఓ మాజీ హీరో నటించనున్నాడని సోషల్ మీడియాలో వార్తలు వస్తున్నాయి.

అయితే తాజా సమాచారం ప్రకారం అది నిజం కాదని తెల్సింది. ఇది ఒక ప్యూర్ లవ్ స్టోరీ అని తెలుస్తోంది. తన ప్రేమ కోసం ఆ యువకుడు ఏం చేసాడనేదే సినిమా పాయింట్ అట. దీన్ని తనదైన శైలిలో తెరకెక్కించనున్నాడు పూరి. ఇక ఈ మూవీకి ‘ఫైటర్’ అని టైటిల్ పెట్టినట్టు తెలుస్తుంది. ఇందులో విజయ్ బాక్సర్ గా కనిపించనున్నాడని మరో టాక్.

ఇందులో హీరోయిన్స్ కోసం ఆల్రెడీ కొంతమందిని సెలెక్ట్ చేసుకున్నాడు పూరి. వారిలో ఎవరిని ఫైనల్ చేస్తాడో మాత్రం క్లారిటీ లేదు. త్వరలోనే ఆ హీరోయిన్స్ పేరులు బయటకు వచ్చే అవకాశముంది. ఈ మూవీ టూరింగ్ టాకీస్‌, పూరి కనెక్ట్స్ ప‌తాకాల‌పై పూరి జ‌గ‌న్నాథ్‌, ఛార్మి ఈ చిత్రాన్ని సంయుక్తంగా నిర్మించనున్నారు.