తమన్నాకెవరూ సరిలేరని దించుతున్నారు

మహేష్ బాబు - అనిల్ రావిపూడి కాంబినేషన్‌లో తెరకెక్కుతున్న చిత్రం ‘సరిలేరు నీకెవ్వరు’. ఈ చిత్ర షూటింగ్ శరవేగంగా జరుగుతుంది. ప్రస్తుతం హైదరాబాద్‌లో ఈ చిత్రం యొక్క షూటింగ్ జరుగుతుంది. అలనాటి నటి విజయశాంతి ఇందులో ఓ ముఖ్య పాత్రలో కనిపించనుంది. అంతే కాదు ఈసినిమాకి మరింత బజ్ తీసుకొచ్చేందుకు అనిల్ మరో ప్లాన్ వేసాడు.

ఓ సాంగ్ కోసం మిల్క్ బ్యూటీ తమన్నాను తీసుకున్నారు. అది కూడా మహేష్ బాబు ఇంట్రడక్షన్ సాంగ్‌కు తమన్నాను తీసుకోవడం విశేషం. ఇందులో మహేష్ ఇంటిలిజెన్స్ అధికారి అని అందరికి తెలిసిందే. అందుకే మహేష్ పక్కన ఈ బ్యూటీ అయితే బాగుంటది అని తీసుకున్నారు.

ఇప్పటివరకు తమన్నా రెండు మూడు స్పెషల్ సాంగ్స్ చేసింది. అన్ని సాంగ్స్ హిట్ అయ్యాయి. ఇప్పుడు సరిలేరు నీకెవ్వరు లో చేస్తుంది. మహేష్ - తమన్నా కాంబినేషన్ లో ‘ఆగడు’ సినిమా వచ్చింది. ఇప్పుడు రెండోసారి వీరిద్దరూ స్టెప్స్ వేయనున్నారు. శృతి హాసన్‌నా? తమన్నానా? అనుకుని చివరికి తమన్నానే ఫైనల్ చేసారు యూనిట్. సంక్రాంతికి ఈమూవీ రిలీజ్ కానుంది.