బాలీవుడ్‌లో విజయ్ దేవరకొండ భారీ సినిమా!

అవును మీరు వింటున్నది నిజమే.. విజయ్ దేవరకొండ బాలీవుడ్ బాట పట్టడానికి ఫిక్స్ అయిపోయాడట. ఇప్పటికే బాలీవుడ్ బడా డైరెక్టర్ కరణ్ జోహర్ సినిమా చేయాలని పట్టుబట్టినప్పటికీ విజయ్ మాత్రం నో చెప్పేశాడు. అయితే ఈ సారి మాత్రం పక్కాగా బాలీవుడ్‌లోకి అడుగుపెట్టి తీరాల్సిందేనని మైండ్‌లో ఫిక్స్ అయిపోయారట.

ఇక అసలు విషయానికొస్తే.. విజయ్ దేవరకొండకి గల క్రేజ్‌ను గుర్తించిన కరణ్ జొహార్, సిద్ధార్థ్ రాయ్ కపూర్, సాజిద్ నడయాడ్ వాలా.. ఓ భారీ సినిమాను ప్లాన్ చేస్తున్నట్లు విశ్వసనీయ వర్గాల సమాచారం. అన్నీ అనుకున్నట్లు జరిగితే అతి త్వరలోనే సినిమాను లాంచ్ చేయాలని యోచిస్తున్నట్లు తెలుస్తోంది. ప్రస్తుతం ఇందుకు సంబంధించిన ఓ వార్త ఇటు టాలీ, అటు బాలీవుడ్‌లో షికారు చేస్తోంది. అయితే భారీ సినిమాలో విజయ్ దేవరకొండ సోలో హీరోగా కనిపిస్తాడా? లేకుంటే వేరే ఏమైనా పాత్ర ఉంటుందా అనేది తెలియాల్సి ఉంది.