‘ఏయ్ జూనియర్’ ఫస్ట్ లుక్ పోస్టర్ విడుదల
తెలంగాణా స్పీకర్ శ్రీ పోచారం శ్రీనివాసరెడ్డి చేతులమీదుగా ‘ఏయ్ జూనియర్’ చిత్రం ఫస్ట్ లుక్ పోస్టర్ను ఆవిష్కరించడం జరిగింది. ఈ చిత్రాన్ని వ్యాంకిష్ మీడియా సంస్థ నిర్మించగా , షేక్ గౌస్ నిర్మాతగా వ్యవహరిస్తున్నారు. ఈ చిత్రానికి దర్శకుడు రవికుమార్ పొన్నగంటి.
ఈ సందర్భంగా తెలంగాణా స్పీకర్ శ్రీ పోచారం శ్రీనివాసరెడ్డి మాట్లాడుతూ.. సందేశంతో కూడుకున్న ఈ ప్రేమకథా చిత్రం తప్పక విజయవంతం కావాలని, సమాజానికి ఉపయోగపడే మరెన్నో మంచి చిత్రాలని నిర్మించాలని ఈ చిత్ర దర్శక నిర్మాతలని కోరారు.
ఈ చిత్ర నిర్మాత షేక్ గౌస్ మాట్లాడుతూ.. ‘ఏయ్ జూనియర్’ ప్రచార చిత్రాన్ని ఆవిష్కరించిన తెలంగాణా స్పీకర్ శ్రీ పోచారం శ్రీనివాసరెడ్డిగారికి ధన్యవాదాలు తెలియచేశారు. యువతని ఆకట్టుకునే అంశాలు ఎన్నో ఈ చిత్రంలో ఉన్నాయని దర్శకుడు మంచి ప్రతిభావంతుడని, అలాగే ఈ చిత్ర యూనిట్ సభ్యులు ప్రతి ఒక్కరూ చాలా కష్టపడి పనిచేశారని, సంగీతానికి ప్రాధాన్యత ఉన్న ఈ చిత్రానికి అమ్మపండు అందించిన సంగీతం మరో హైలెట్గా నిలుస్తుందని, ఈ చిత్రాన్ని ప్రజలు ఖచ్చితంగా ఆదరిస్తారని నమ్మకం ఉందని తెలిపారు. నిర్మాత షేక్ గౌస్ ఇంకా మాట్లాడుతూ పోస్ట్ ప్రొడక్షన్ పనులు జరుపుకుంటున్న ఈ చిత్ర టీజర్ని వచ్చే వారంలో రిలీజ్ చేయనున్నట్లు ఆడియోని ఆగస్ట్ మొదటి వారంలో, చిత్రాన్ని ఆగస్ట్ చివరి వారంలో విడుదల చేయుటకు సన్నాహాలు చేస్తున్నామని తెలిపారు.
చిత్ర దర్శకులు రవికుమార్ పొన్నగంటి మాట్లాడుతూ.. కాలేజ్ బ్యాక్డ్రాప్లో ఓ చక్కని టీనేజ్ లవ్ స్టోరీగా దీన్ని తెరకెక్కించామని, అసభ్యతకు తావులేకుండా కుటుంబం మొత్తం కలిసి చూసేలా ఈ చిత్రాన్ని నిర్మించామని, ఇందులో పాటలన్నీ యువతకు నచ్చే విధంగా ఉంటాయని ఈ చిత్రానికి పనిచేసిన నటీనటులకి టెక్నీషియన్స్కి అలాగే దర్శకునిగా అవకాశమిచ్చిన షేక్ గౌస్కి ధన్యవాదాలు తెలిపారు.
ఆయుష్, షిరిన్, ప్రమోదిని, మణిచందన, మున్ని, అనిత, డా.మండవ శ్రీనివాస్, సీతామహాలక్ష్మి, మిమిక్రి శివ, వెంకటేశ్వరరావు తదితరులు నటించిన ఈ చిత్రానికి
బ్యానర్: వ్యాంకిష్ మీడియా
సమర్పణ: సబీనా
నిర్మాత: షేక్ గౌస్
సహ నిర్మాతలు: చేపూరి చంద్రకాంత్, పులిషేరి ప్రణిదీప్
రచన దర్శకత్వం: రవికుమార్ పొన్నగంటి
సంగీతం: అమ్మపండు
కెమెరా: దుర్గాప్రసాద్
ఎడిటర్: కొడగంటి వేణు
పాటలు: ఫణిదీప్ విశ్వనాథ్ , వెన్నెల శ్యామ్, డా. యల్లాప్రగడ మల్లికార్జునరావు.
కొరియోగ్రఫి: అనీష్ , తాజ్ఖాన్
కో - డైరెక్టర్: సుధాకర్ S
ప్రొడక్షన్ ఎక్జిక్యూటివ్: నాగిరెడ్డి.
Telangana Speaker Pocharam Srinivasa Reddy Releases Aey Junior First Look poster
Aey Junior Movie First Look Poster Released
