రాహుల్ రవీంద్రన్ దర్శకత్వంలో నాగార్జున - రకుల్ ప్రీత్ సింగ్ జంటగా మన్మథుడు 2 సినిమా పట్టాలెక్కేసింది. గతంలో నాగార్జున - సోనాలి బింద్రే జంటగా తెరకెక్కిన మన్మథుడు సినిమా బ్లాక్ బస్టర్ హిట్ కావడంతో.. నాగార్జున మళ్ళీ అదే నమ్మకంతో ఇప్పుడు చి.ల.సౌ ఫేమ్ రాహుల్ తో మన్మథుడు 2 ని మొదలెట్టడం రెగ్యులర్ షూటింగ్ కి వెళ్లడం కూడా జరిగింది. తాజాగా మన్మథుడు 2 వర్కింగ్ ఫొటోస్ ని నాగ్ సోషల్ మీడియాలో షేర్ కూడా చేసాడు. మా మన్మథుడు ఫ్యామిలీ అంటూ అందరిని పరిచయం చేసాడు. అందులో వెన్నెల కిషోర్ ఇంకా ముఖ్యమైన నటీనటులు ఉన్నారు.
అయితే తాజాగా మన్మథుడు 2 లో నాగ్ కోడలు సమంత కూడా నటిస్తుందని టాక్ వినబడుతుంది. సమంత మన్మథుడు 2 లో ఒక గెస్ట్ రోల్ చేయబోతోందని.. మామ నాగ్ కోసం ఫ్రెండ్ దర్శకుడు రాహుల్ రవీంద్రన్ కోసం ఆ రోల్ ఒప్పుకున్నట్లుగా చెబుతున్నారు. ఇప్పటికే మజిలీ సినిమాతో ప్రేక్షకుల ముందుకు రాబోతున్న సమంత... నంది రెడ్డి మిస్ గ్రానీ లోను, అలాగే దిల్ రాజు తమిళ రీమేక్ 96 లోను నటిస్తుంది. తాజాగా మామ కోసం ఈ స్పెషల్ రోల్ కూడా చేయబోతుంది. మరి మన్మథుడు 2 లో మామాకోడళ్ల రచ్చ ఏ లెవెల్లో ఉంటుందో చూద్దాం.
‘ఎస్‌డి’ అంటే ఏంటో తెలుసా?
Loading..