Advertisement

మణిరత్నం సినిమా నుండి ఆ నటుడు అవుట్!

Mon 05th Feb 2018 01:02 AM
fahad fazil,maniratnam,out,malayalam actor  మణిరత్నం సినిమా నుండి ఆ నటుడు అవుట్!
Fahad Fazil walks out of Mani Ratnam's next film మణిరత్నం సినిమా నుండి ఆ నటుడు అవుట్!
Advertisement

'చెలియా' సినిమా డిజాస్టర్ తో దర్శకుడు మణిరత్నం మళ్ళీ మరో సినిమాని తెరకెక్కించడానికి భారీ గ్యాప్ తీసుకున్నాడు. ఈ గ్యాప్ లో ఒక భారీ మల్టి స్టారర్ కోసం పక్కా స్క్రిప్ట్ ని రెడీ చేసుకున్నాడు. ఒక కొత్త కథతో భారీగా ఈ మల్టీస్టారర్ ని తెరకెక్కించే ప్రయత్నం చేస్తున్నాడు మణి. ఈ సినిమా అతి త్వరలోనే అంటే వచ్చే నెలలోనే సెట్స్ మీదకెళ్లనుందని చెబుతున్నారు. అయితే ఈ భారీ మల్టీస్టారర్ కోసం భారీగా స్టార్ కాస్ట్ ని కూడా ఫైనల్ చేసాడు ఈ దర్శకుడు. ఈ సినిమాలో ముఖ్యమైన పాత్రలకు గాను కోలీవుడ్ హీరోస్ కార్తీ, శింబు, విజయ్ సేతుపతి, ఫహాద్ ఫాజిల్, జ్యోతిక, ఐశ్వర్య రాజేశ్, అదితీరావులను ఎంపిక చేశారు.

ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమా నుండి ఆ భారీ స్టార్ కాస్ట్ లోని ఒక నటుడు తప్పుకుంటున్నట్లుగా చెబుతున్నారు. మరి ఇంతకుముందే శింబు ఈ సినిమాలో చేస్తాడో లేదో అన్నట్లుగా కోలీవుడ్ మీడియాలో కథనాలు వచ్చాయి. ఎందుకంటే శింబు మీద నిర్మాతల మండలి నిషేధం విధించిందని ప్రచారం జరిగింది. ప్రస్తుతానికి ఆ విషయమై ఎటువంటి క్లారిటీ లేదుగాని... ఇప్పుడు ఈ మణి మల్టీస్టారర్ నుండి ఫహాద్ ఫాజిల్ అనే నటుడు తప్పుకున్నట్లుగా  కోలీవుడ్ మీడియా కోడై కూస్తుంది.

అయితే ఫహాద్ ఫాజిల్ కేవలం డేట్స్ సర్దుబాటు కాలేకే ఈ మల్టీస్టారర్ నుండి తప్పుకున్నాడని అంటున్నారు. మరి ఫహాద్ ఫాజిల్ స్థానంలోకి మరో కొత్త నటుడుని సెట్ చేసుకుని ఈ సినిమాని సెట్స్ మీదకి తీసుకెళ్లాలని మణి భావిస్తున్నాడట. యాక్షన్ థ్రిల్లర్ గా రూపొందనున్న ఈ సినిమాకి సంగీత దిగ్గజం ఏ ఆర్ రెహ్మాన్ సంగీతం అందిస్తున్నాడు.

Fahad Fazil walks out of Mani Ratnam's next film:

Malayalam actor Fahad Fazil Out From Mani Ratnam Film 

Advertisement

Loading..
Loading..
Loading..
Advertisement