ఇలియానా కాదంటూ క్లారిటీ ఇచ్చేశాడు!
No Ileana in Mahesh and Vamsi Paidipalli Movieగత రెండు రోజులుగా మహేష్ బాబు - వంశీ పైడిపల్లి కలయికలో తెరకెక్కుతున్న సినిమాలో ఇలియానా నటిస్తుందని.. సోషల్ మీడియాలో ఒకటే కథనాలు ప్రచారం అవుతున్నాయి. ప్రీ ప్రొడక్షన్ దశలో ఉన్న ఈ చిత్రంలో మహేష్ సరసన ఇలియానా అయితే బావుంటుందని దర్శక నిర్మాతలు ఇలియానా ని సంప్రదించినట్టుగా న్యూస్ మీడియాలో హల్చల్ చేస్తుంది. ఇక ఆ కథనాలతో నిజంగానే మహేష్ పక్కన ఇలియానా ఫైనల్ అయ్యిందని అందరు ఫిక్స్ కూడా అయ్యారు.
అసలు వారు అలా ఫిక్స్ అవడానికి కారణం కూడా వుంది. అదేమిటంటే మహేష్ బాబు - ఇలియానా లు జంటగా 'పోకిరి' సినిమాలో నటించారు. ఆ సినిమా బ్లాక్ బస్టర్ హిట్ అవడమే కాదు ఇండస్ట్రీ హిట్ అయ్యింది. మళ్ళీ అలాంటి హిట్ పెయిర్ జోడి కడుతుంది అంటే అందరూ నమ్మకనే నమ్మేశారు. అయితే ఇప్పుడు వంశీ పైడిపల్లి దర్శకత్వంలో తెరకెక్కుతున్న ఈ సినిమాని నిర్మిస్తున్న దిల్ రాజు గారు ఈ విషయమై స్పందించి ఇలియానా, మహేష్ పక్కన నటించడం లేదని కుండ బద్దలు కొట్టేశారు.
అసలు ఇలియానాని ఎవరూ సంప్రదించను కూడా లేదని.. అవన్నీ ఒట్టి రూమర్లేనని దిల్ రాజు చెబుతున్న మాట. ఈ లెక్కన వంశీ - మహేష్ చిత్రానికి ఇంకా హీరోయిన్ సెట్ కాలేదు అని మాత్రం అర్ధం అవుతుంది. ఇక ఈ చిత్రానికి దేవిశ్రీ ప్రసాద్ సంగీతం అందించనున్నాడు.
Dil Raju Clarifies Mahesh and Vamsi Paidipally Heroine
