అబ్బాయ్ రెడీ..బాబాయే ఆలోచిస్తున్నాడు!
ఇటీవల తమిళంలో మంచి విజయం సాధించిన 'విక్రమ్వేద' చిత్రంలో మాధవన్, విజయ్సేతుపతిలు నటించారు. ఈ చిత్రం తెలుగు రీమేక్లో వెంకటేష్, రానాలు నటిస్తారని ప్రచారం జరిగింది. ఇక ఈ చిత్రం వెంకీ నో అనడంతో నాగార్జున వద్దకు వెళ్లిందని సమాచారం. దీంతో తమ అభిమాన వెంకీ-రానాలను ఒకే సారి తెరపై చూడాలనుకున్న దగ్గుబాటి ఫ్యాన్స్కి కాస్త నిరుత్సాహం ఏర్పడింది. అయితే ఈ కాంబో మరో రూపంలో రూపుదాల్చే అవకాశం ఉందని వార్తలు వస్తున్నాయి.
'రుద్రమదేవి'తో మంచి పేరు తెచ్చుకున్నా కూడా స్వీయ నిర్మాణం కారణంగా, ఓవర్ బడ్జెట్ కారణంగా ఈ చిత్రం ఆశించిన లాభాలను సాధించలేకపోయింది. దీంతో గుణశేఖర్ తన తదుపరి చిత్రాన్ని 'హిరణ్యకస్యప' పేరుతో హిరణ్యకస్యపుని కోణంలో జరిగే కథగా తెరకెక్కించాలని భావిస్తున్న గుణశేఖర్ ఈ చిత్రం టైటిల్ను కూడా రిజిష్టర్ చేయించాడు. కాగా ఇందులో ముఖ్యపాత్రకు రానాను సంప్రదించగా, 'రుద్రమదేవి'లో కూడా నటించిన రానా దగ్గుబాటి ఈ చిత్రంలో నటించేందుకు అంగీకారం తెలిపినట్లు, 'నేనే రాజు.. నేనే మంత్రి' తర్వాత రానా దగ్గుబాటి నటించే చిత్రం ఇదేనని ప్రచారం జరుగుతోంది. ఇక ఈ చిత్రాన్ని 100కోట్ల భారీ బడ్జెట్తో తెరకెక్కించాలనేది గుణశేఖర్ లక్ష్యం. అందుకు అనుగుణంగా ఆయన ఈచిత్రాన్ని తెలుగు, తమిళ, హిందీ భాషల్లో రూపొందించేందకు ప్లాన్ చేస్తున్నాడు.
రానా దగ్గుబాటికి తెలుగు, తమిళం, హిందీలలో మంచి క్రేజే ఉంది. ఇక ఈ చిత్రాన్కి తెలుగులో మరింత క్రేజ్ తెచ్చేందుకు ఇందులోని ఓ కీలకపాత్రను బాబాయ్ వెంకటేష్ని గుణశేఖర్ అడిగాడట. దాంతో కథ విన్న వెంకీ తన నిర్ణయాన్ని త్వరలోనే తెలుపుతానని చెప్పాడనే ప్రచారం జరుగుతోంది. మరోవైపు ఈ చిత్రానికి మరింత మల్టీస్టారర్ క్రేజ్ వచ్చేలా చేసేందుకు మరో ఇద్దరు ముగ్గురు ప్రముఖ హీరోలతో కూడా దీనిలో పాత్రలు పోషించేలా చేయడానికి గుణశేఖర్ వ్యూహరచన చేస్తున్నట్లు సమాచారం.
Venkatesh and Rana Daggubati Combo Movie Soon
Venkatesh and Rana in Gunasekhar Movie Hiranyakasyapa
