ఒకప్పటి అందం, అభినయం తగ్గకపోయినా సినిమా అవకాశాలు మాత్రం తగ్గాయి. ఒకప్పుడు నాగార్జున నుంచి పలువురు స్టార్స్‌ కనీసం ఐటం సాంగ్స్‌కైనా రికమెండ్‌ చేశారు. ఇక తమ్మారెడ్డి నుండి పూరీ దాకా ఆమెతో లేడీ ఓరియంటెడ్‌ చిత్రాలు తీసి దెబ్బతిన్నారు. 'మంత్ర' తప్ప ఏమీ ఆడలేదు. దాంతో పూరీ కాంపౌండ్‌లోకి దూకి అక్కడి సిబ్బందిపై తన ప్రతాపం చూపింది. ఇలాంటి విషయాలను అస్సలు ఒప్పుకోని పూరీకి కూడా ఆమె ఏం మంత్రం వేసిందో గానీ మౌనం వహించాడు.
చార్మి పూరీ కాంపౌండ్‌పై పలు వార్తలు వస్తున్నాయి. కానీ పూరీ మాత్రం ఈ పంజాబీ భామపై మంచి ప్రేమే చూపిస్తున్నాడు. పూరీ కాంపౌండ్‌లోకి వెళ్లాలనుకునే వారు ముందుగా పూరీ భార్యను మంచి చేసుకుంటే ఇక తిరుగేలేదని చెప్పవచ్చు. పూరీ భార్యతో మంచిగా ఉంటే ఆ కుటుంబసభ్యుల్లో ఒకరై పోవచ్చు. గతంలో ఇదే సూత్రాన్ని ముమైత్‌ఖాన్‌ కూడా పాటించింది. ఇప్పుడు చార్మి రూట్‌ అదే. ఇక బాలయ్య-పూరీ చిత్రంలో చార్మి సాంగ్‌ ఉంటుందని కొందరు, పూరీ-బాలయ్యలు ఆ భామకు ఆమాత్రం చేయరా? అని మరోవైపు గుసగుసలే. ఇక సినిమాలో చాన్స్‌ వదిలేస్తే ఈ అమ్మడు వార్తల్లో నిలవడం ఎలా? అనే పాయింట్‌ మీద పిహెచ్‌డి చేస్తోంది.
'పూరీ కనెక్ట్స్‌' పేరుతో కాస్టింగ్‌ సెలక్షన్‌ అంటూ కొత్త బిజినెస్‌ మొదలుపెట్టింది. పనిలో పనిగా పాట ఉందా? లేదా? అనేది పక్కనపెడితే తన సన్నిహితుల సేద తీర్చడానికి ఈ అమ్మడు కూడా పోర్చుగల్‌ వెళ్లింది. పోయిందిలే పో.. మనకేం అనుకోవడానికి లేకుండా చేసింది. అక్కడ ఉన్న పవిత్రమైన గురుద్వారలోకి మోకాళ్ల కంటే తక్కువ నిడివి ఉన్న కురచ బట్టలేసుకుని వెళ్లి లోపల ఫొటోలు కూడా తీసుకుంది. అక్కడితో ఆగలేదు. ఫేస్‌ బుక్‌ ఉంది కదా..! అని ఆ ఫొటోలను పోస్ట్‌ చేసింది.
ఇక ఈ అమ్మడికి సిక్కులు, ఇతరుల నుంచే కాదు.. అందరు నెటిజన్ల నుంచి 'అమ్మడు.. లెట్స్‌.. డు కుమ్ముడు' పడుతోంది. అయినా ఇదంతా సోషల్‌ మీడియా తప్పు అనుకుందో లేక తాను చేసిన పనిలో తప్పేమి లేదని తాను, తన సన్నిహితులు కలిసి చర్చించుకున్నారేమో.. మౌనంగా తన పని తాను చేసుకు పోతూనే ఉంది. దట్‌ ఈజ్‌ చార్మి. మొత్తానికి ఈ అమ్మడిలో బిజినెస్‌స్కిల్స్‌ పుష్కళంగా కనిపిస్తున్నాయి కదూ....!
మహేష్‌తో పోటీకి ఉవ్విళ్లూరుతోన్న బన్నీ..!
Loading..