వెంకటేష్ వరుస ఇలా వుంది..!
70కి పైగా చిత్రాలలో నటించిన సీనియర్ స్టార్ విక్టరీ వెంకటేష్ ప్రస్తుతం హిందీ 'సాలా ఖద్దూస్' రీమేక్గా సుధ కొంగర దర్శకత్వంలో 'గురు' చిత్రం చేస్తున్నాడు. ఈ చిత్రం ఈనెల 31న విడుదల కానుంది. ఈ చిత్రంలో వెంకీ ఓ మిడిల్ ఏజ్డ్ బాక్సింగ్ కోచ్గా రఫ్ అండ్ టఫ్గా కనిపిస్తున్నాడు. మరోపక్క ఆయన తన తర్వాతి చిత్రంగా 'నేను...శైలజ' ఫేమ్ కిషోర్ తిరుమలతో 'ఆడాళ్లూ.. మీకు జోహార్లు' చేయాల్సివుంది. కానీ ప్రస్తుతానికి ఈ చిత్రం హోల్డ్లో ఉంది. ఉగాదికి కిషోర్ తిరుమల - రామ్ల కాంబినేషన్లో కొత్త చిత్రం ప్రారంభం కానున్నట్లు అఫీషియల్గా అనౌన్స్మెంట్ వచ్చింది.
కానీ కిషోర్ చిత్రాన్ని వెంకీ ఎందుకు హోల్డ్లో పెట్టాడో తెలియడం లేదు. ఇక వెంకీ.. పూరీ దర్శకత్వంలో ఓ చిత్రం చేయనున్నాడని... హెవీ బడ్జెట్ కారణంగా ఈ చిత్రం ఆగిపోయిందనే వార్తలు వచ్చాయి. ఇక పూరీ కూడా బాలయ్యతో చిత్రం చేస్తున్నాడు. ఈ చిత్రం పూర్తయిన తర్వాత అంటే అక్టోబర్ మొదటి వారం నాటికి వెంకీ - పూరీల చిత్రం పట్టాలెక్కనుంది. ఆ తర్వాత వెంకీ మరో మంచి కథ దొరికితే క్రిష్ దర్శకత్వంలో సినిమా చేస్తానని తెలిపాడు. మరోవైపు బాలీవుడ్, టాలీవుడ్లలో 'ఘాజీ' వంటి చిత్రం తీసిన సంకల్ప్రెడ్డి అనే కుర్రదర్శకునితో కూడా వెంకీ పనిచేసే అవకాశం ఉందనే వార్తలు వినిపిస్తున్నాయి.
