కోలీవుడ్ స్టార్ హీరో సూర్య సీక్వెల్ గా తీసిన చిత్రం సింగం 3. ఈ చిత్రం విడుదల ఇప్పటికే పలుమార్లు వాయిదా పడుతూ వస్తుంది. ప్రస్తుతం సింగం 3 చిత్రం తెలుగులో ఈరోజు విడుదల కావాల్సి ఉంది. కానీ కొన్ని సాంకేతిక కారణాల కారణంగా విడుదల ఆగిపోయినట్లు తెలుస్తుంది. ఈరోజు విడుదల కావాల్సిన సింగం 3 తెలుగు వెర్షన్ ఇంకా విడుదల కాలేదు. అందుకని మార్నింగ్ షోలన్నీ క్యాన్సిల్ చేస్తున్నట్లు చిత్రబృందం ప్రకటించింది. దాంతో హైదరాబాద్ లోని మార్నింగ్ షోలన్నీ రద్దు చేయడం జరిగింది. అంతేకాకుండా సాంకేతిక కారణాల వల్లనే జంట నగరాల్లో సింగం 3 విడుదల కావడం లేదని, ఈ విషయానికి సంబంధించిన అప్డేట్ త్వరలోనే చెబుతామని చిత్రబృందం వెల్లడించింది. కాగా సాయింత్రానికి తొలి షో పడే అవకాశం ఉన్నట్లు తెలుస్తుంది.
కాగా తమిళనాడు, ఓవర్సీస్లోనూ సింగం 3 విడుదలై దుమ్మురేపుతుంది. అక్కడ ప్రీమియర్ షోలతోనే పెద్దఎత్తున హడావుడి నెలకొంది. సింగం 3 గురించిన ఇప్పటివరకు అందిన సమాచారాన్ని బట్టి ఇది ఓ హై ఓల్టేజ్ యాక్షన్ డ్రామా అని మాత్రం తెలుస్తుంది. ఇంకా సూర్య తాలూకూ.. ఫైటింగులు, డైలాగుల కోసమైతే సినిమాను మరో ఆలోచన లేకుండా చూడవచ్చని చెబుతున్నారు. పూర్తిగా అసలు చిత్రం ఎలా ఉంటుందో చూడాలి.
Loading..