Advertisement

అనవసరపు హంగామా చేస్తున్నారా..!?

Sat 03rd Dec 2016 02:31 PM
queen remake,tyagarajan,queen remake hungama  అనవసరపు హంగామా చేస్తున్నారా..!?
అనవసరపు హంగామా చేస్తున్నారా..!?
Advertisement

బాలీవుడ్‌లో కంగనారౌనత్‌ ప్రధానపాత్రలో నటించిన 'క్వీన్‌' చిత్రం ఎంతటి సంచలన విజయాన్ని నమోదు చేసుకుందో అందరికీ తెలిసిన విషయమే. కేవలం 20కోట్ల బడ్జెట్‌తో తెరకెక్కిన ఈ చిత్రం 100కోట్లు వసూలు చేసి ట్రేడ్‌ పండితులను కూడా ఆశ్యర్యానికి గురిచేసింది. దీంతో ఈ చిత్రం దక్షిణాది భాషల్లో రీమేక్‌ హక్కులను తమిళ నటుడు, నిర్మాత, హీరో ప్రశాంత్‌ తండ్రి త్యాగరాజన్‌ భారీ మొత్తం వెచ్చించి దక్కించుకున్నది కూడా విదితమే. కానీ ఈ చిత్రం బాలీవుడ్‌లో విడుదలై, బుల్లితెరపై కూడా ప్రదర్శితమై చాలా కాలమే అయింది. ఎట్టకేలకు ఇంత ఆలస్యంగా ఈ చిత్రం ఇప్పుడు దక్షిణాది భాషల్లో రీమేక్‌కు సిద్దమైంది. ఈ చిత్రం తమిళ రీమేక్‌లో మిల్కీబ్యూటీ తమన్నా నటిస్తోంది. అదే సమయంలో మలయాళ రీమేక్‌లో అమలాపాల్‌, కన్నడ రీమేక్‌లో రకుల్‌ప్రీత్‌సింగ్‌లు నటించనున్నారనే ప్రచారం మొదలైంది. తమిళ, మలయాళ భాషల్లో ఈ చిత్రం రీమేక్‌కు నటి, దర్శకురాలు రేవతి డైరెక్టర్‌గా, కన్నడలో మాత్రం ఉత్తమనటుడు, నిర్మాత, దర్శకుడు ప్రకాష్‌రాజ్‌ దర్శకత్వం వహిస్తారని తెలుస్తోంది. ఇక తెలుగు వెర్షన్‌లో ఎవరు నటిస్తారు? ఎవరు దర్శకత్వం వహిస్తారు? అనే విషయంపై మాత్రం వార్తలు రావడం లేదు. ఈ చిత్రాన్ని అనవసరంగా ఇన్ని భాషల్లో వేర్వేరు హీరోయిన్లతో తీయడం వృథా ఖర్చుని, అన్ని భాషల్లో గుర్తింపు ఉన్న ఒకే హీరోయిన్‌తో తీస్తే సేఫ్‌ ప్రాజెక్ట్‌గా నిలుస్తుందని ట్రేడ్‌వర్గాలు భావిస్తున్నాయి. మరి ఈ వార్త నిజమో? కాదో? తెలియాలంటే కొన్ని రోజులు వెయిట్‌ చేయకతప్పదు. 

Advertisement

Loading..
Loading..
Loading..
Advertisement