ప్రభాస్, పవన్ కోసం మహేష్ త్యాగం!
టాలీవుడ్లో నెంబర్వన్ హీరోలు ఎవరు? అంటే కొందరు మహేష్బాబుని, మరికొందరు పవన్కళ్యాణ్ పేరును చెబుతారు. అందుకే వీరిద్దరి చిత్రాలు విడుదలలో క్లాష్ రాకుండా చూసుకోవాలని ఇద్దరి హీరోల దర్శకనిర్మాతలు జాగ్రత్త పడుతుంటారు. కానీ అనుకోని విధంగా ఈ ఇద్దరి చిత్రాలు ఇప్పుడు క్లాష్ అయ్యే పరిస్థితి ఏర్పడింది. అలాగే మరోసారి మహేష్కు 'బాహుబలి 2' సెగ తగిలేట్లే కనిపిస్తోంది. కాగా ప్రస్తుతం మహేష్బాబు తెలుగు, తమిళ భాషల్లో మురుగదాస్ దర్శకత్వంలో ఓ చిత్రం చేస్తున్నాడు. ఈ చిత్రాన్ని మొదట మహేష్, మురుగదాస్లు 'పోకిరి' రిలీజ్ డేటయిన ఏప్రిల్ 28న విడుదల చేయాలని ప్లాన్ చేశారు. కానీ ఆల్రెడీ ఈ డేట్ను రాజమౌళి తన 'బాహుబలి - ది కన్క్లూజన్' చిత్రం కోసం లాక్ చేసి ఉంచాడు. దేశవిదేశాల్లో రిలీజ్ అయ్యే చిత్రం కావడంతో ఈ డేట్ను మార్చడం కుదరని పని. మరి 'బాహుబలి'కి 'శ్రీమంతుడు'ను త్యాగం చేసినట్లు చేసి ఓ నెల ముందే రావాలని మహేష్బాబు భావించాడు. అంటే మురుగదాస్ చిత్రాన్ని ఉగాదికి ప్లాన్ చేయాలని భావించాడు. కానీ ఇంతలో పవన్ ఆ డేట్ను తన 'కాటమరాయుడు' చిత్రం కోసం లాక్ చేశాడు. దీంతో మహేష్-మురుగదాస్ల మూవీ మరో డేట్ను వెతికే పనిలో పడింది. 'బాహుబలి 2'కు కనీసం ఓ నెల గ్యాప్ ఇచ్చి కాస్త ఆలస్యంగా రానున్నాడని సమాచారం. అంటే మహేష్ వచ్చే ఏడాది సమ్మర్లో వచ్చే అవకాశాలు కనిపించడం లేదు. అదే జరిగితే మహేష్ను త్యాగాల రాజుగా పిలవవచ్చు అంటూ కొందరు సెటైర్లు వేస్తున్నారు.
